ބ. އޭދަފުށީގެ ވަށައިގެންވާ އެކި ސަރަހައްދުތަކާއި އާއްމު ތަންތަނުގައި ކައުންސިލުގެ ހުއްދަނެތި، ގަވައިދާ ޚިލާފަށް ބަހައްޓާފައހުރި ތަކެތި ނަގަން، ފަހުގެ އެންގުން އޭދަފުށީ ކައުންސިލުން މިއަދު އަންގައިފި އެވެ.
ކައުންސިލުން މިއަދު އާއްމުކުރި އިއުލާނެއްގައި ބުނީ މިރަށުގެ އެކި ސަރަހައްދުތަކުގައި ގަވާއިދާ ޚިލާފަށް ބަހައްޓަފައިހުރި ތަކެތި ނެގުމުގެ މަސައްކަތް އަންނަ އާދީއްތަ ދުވަހުން ފެށިގެން ކުރިއަށްދާނެ ކަމަށެވެ. އަދި ތަކެތި ނަގައިގެން ގެންދިއުމުގެ ތެރޭގައި އެއްވެސް މުދަލަކަށް ލިބޭ ގެއްލުމަކަށް ޒިންމާ ނުވާނެ ކަމަށް ވެސް އެ އިއުލާނުގައި ބުނެފައިވެ އެވެ.
އޭދަފުށީގެ އާއްމު ތަންތަނުގައި ކައުންސިލުގެ ހުއްދަނެތި ބަހައްޓާފައިވާ ތަކެތި ނަގަން އެންގިއިރު، ކައުންސިލުން ވަނީ މިގޮތަށް ރަށުގެ މަގުތަކުގައި ބަހައްޓާފައިހުރި ތަކެތި ނަގައި މަގުތައް މިހާރު ވަނީ ސާފުކޮށްފަ އެވެ.
އޭދަފުއްޓަކީ އަމާން އޮމާން ސާފުތާހިރު ތަނެއްގެ ގޮތުގައި ބޭއްވުމުގެ މަގުސަދުގައި ކައުންސިލުން ކުރަމުންދާ މި މަސައްކަތަށް އާއްމު ރައްޔިތުންގެ ފަރާތުން ފުރިހަމަ އެހީތެރިކަމާއި އެއްބާރުލުން ލިބިފައިވާކަން ކައުންސިލުން ފާހަގަކުރެއެވެ.
