ބ. އަތޮޅު ތައުލީމީ މަރުކަޒަށް ޑެޕިއުޓީ ޕްރިންސިލަޕަކު ހޯދަން މިއަދު އިއުލާންކޮށްފި އެވެ.
އެ ސްކޫލްގެ ޑެޕިއުޓީ ޕްރިންސިޕަލަކަށް ވާން ބޭނުންވާ ފަރާތްތަކުން އެކަމަށް އެދި ހުށަހެޅުމުގެ އެންމެ ފަހު ތާރީޚަކީ ބ. އަތޮޅު ތައުލީމީ މަރުކަޒުން ބުނިގޮތުގައި މި މަހުގެ 30 އެވެ.
ޑެޕިއުޓީ ޕްރިންސިޕަލެއްގެ ޝަރުޠު ތަކުގެ ތެރޭގައި ހިމެނެނީ، ތަޢުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ޚާއްސަކުރެވިފައިވާ ދާއިރާއަކުން ޤައުމީ ސަނަދުގެ އޮނިގަނޑު ލެވެލް 7 ނުވަތަ 8 ގެ ސަނަދެއް ޙާޞިލްކޮށްފައިވުމާއި، ސްކޫލެއްފައި ކިޔަވައިދިނުމުގައި މަދުވެގެން 2 އަހަރު ޚިދުމަތް ކޮށްފައިވުމާއި، ތަޢުލީމުދޭ ނުވަތަ މަތީ ތަޢުލީމުދޭ އިދާރާއެއްގެ ހިންގުމުގެ ދާއިރާގައި 4 އަހަރު ޚިދުމަތްކޮށްފައިވުމެވެ.
މަގާމުގެ އަސާސީ މުސާރައަކީ 13,809 ރުފިޔާއެވެ. މަގާމުގެ އެލަވަންސަކީ 6,444ރުފިޔާ އެވެ. ހާޒިރީ އެލަވަންސެއްގެ ގޮތުގައި ނުކުންނަ ކޮންމެ ދުވަހަކަށް 174 ރުފިޔާ ލިބެއެވެ.
ބ. އަތޮޅު ތައުލީމީ މަރުކަޒަށް ޑެޕިއުޓީ ޕްރިންސިޕަލު ހޯދަން އިއުލާންކޮށްފައި މި ވަނީ އެތަނުގައި ޑެޕިއުޓީ ޕްރިންސިޕަލަކު ނެތި ގިނަ އަހަރުތަކެއް ފަހުންނެވެ.
