އުރީދޫ މޯލްޑިވްސްގެ ޑިޒައިން ޓީމް ކުޑަ ބްރޭކެއްގައި ތިބޭ އިރު، އެންމެ ތުއްތު އާޓިސްޓުންނަށް ކްރިއޭޓިވް ސްޓޫޑިއޯ ހަވާލުކުރުމަށް ހުޅުވާލައިފަ އެވެ.
އުމުރުން ހަތް އަހަރުން ދަށުގެ ކުދިންނަށް ހާއްސަކޮށްގެން ފަން ރަން އާޓް ކޮންޓެސްޓެއް އިއްޔެ ވަނީ އިއުލާނުކޮށްފަ އެވެ.
ބައިވެރިވާނެ ގޮތް
ތީމް: ފަން ރަންއާ ގުޅޭ އާޓްވޯކެއް ހަދުން
އީމެއިލް މެދުވެރިކޮށް ހުށަހަޅާ: [email protected]
އާޓްވޯކްގެ ސާފު ފޮޓޯ/ސްކޭނެއް
އެ އާޓް ކޮންޓެސްޓުގައި ބައިވެރިވުމުގެ ސުންގަޑިއަކީ މިމަހުގެ 27 ވަނަ ދުވަހުގެ 23:59 އެވެ.
ހިމަނަންވީ ކަންތައްތައް:
ކުއްޖާގެ ފުރަތަމަ ނަމާއި އުމުރު
ބެލެނިވެރިޔާ/ބެލެނިވެރިޔާގެ ނަން އަދި ގުޅޭނެ ނަންބަރު
(އޮޕްޝަނަލް) ޕޯސްޓަށް ކުރު ކެޕްޝަނެއް (ގިނަވެގެން 20 ބަސް)
އިނާމު ހޮވުމާއި އިނާމު ދިނުން
އުރީދޫން ސޯޝަލް މީޑިއާ އެކައުންޓް މެދުވެރިކޮށް ކުރެހުންތައް ހިއްސާ ކުރެވޭނެ
ކުރެހުންތަކުގެ ތެރެއިން އެންމެ ގިނަ ލައިކްސް ލިބޭ ފަސް ކުރެހުން ކުރެހި ކުދިންނަށް (5) ފަން ކިޓް ލިބޭނެ
މުހިންމު ނޯޓްސް
ކުރެހުންތައް ހުންނަން ޖެހޭނީ ކޮމިއުނިޓީ ސްޓޭންޑަޑްތަކާ އެއްގޮތްވާ ގޮތުގެމަތިން
ކޮންމެ ކުއްޖަކަށް ވެސް ހުށަހެޅޭނީ އެންމެ އެންޓްރީއެއް
މި މުބާރާތުގެ މުއްދަތުގައި ލައިކް ގުނާނީ އުރީދޫގެ ރަސްމީ ޕޯސްޓްތަކަށް އެކަނި
އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސައިން ނިޔާޒް ވިދާޅުވީ އުރީދޫގެ ކްރިއޭޓިވް ޓީމު ޗުއްޓީގައި ތިބޭ އިރު، މި ކޮންޓެސްޓްގެ ސަބަބުން ތުއްތު ކުދިންގެ ހިތްގައިމު ކުރެހުންތަކުން ފަން ރަން ގެނެސްދިނުމަށް މަސައްކަތް ކުރަމުންދާނެ ކަމަށެވެ.
“ފަން ރަން އަކީ ކޮމިއުނިޓީ ސްޕިރިޓާއި އުފާވެރިކަން ދައްކުވައިދޭ ރަންއެއް، އަދި މިކަން ދައްކުވައިދިނުމަށް އަޅުގަނޑުމެންގެ ކުޑަކުޑަ އާޓިސްޓުންނަށް ވުރެ ރަނގަޅަށް އެހެން މީހަކު ނުފެންނާނެ،” ނިޔާޒް ވިދާޅުވި އެވެ.
