ހާފިޒުންގެ އެހީތެރިކަމާއެކު ދަރަވަންދޫގައި ގުރުއާން ކުލާސްތަކެއް

 

ބ. ދަރަވަންދޫގައި މި ރޯދަ މަހު އިމާމުވެ ތަރާވީހު ނަމާދު ކުރުމަށް ރާއްޖެއިން ބޭރުން ގެނައި ހާފިޒުން މެދުވެރިކޮށް އެރަށުގެ ރައްޔިތުންނަށް ޤުރުއާން ކްލާސްތަކެއް ކުރިއަށް ގެންދަން ފަށައިފި އެވެ.

ދަރަވަންދޫ ކައުންސިލުން ބުނިގޮތުގައި މި ކްލާސްތަކަކީ އެރަށުގައި ދިރިއުޅޭ ކޮންމެ ރައްޔިތަށްވެސް ބައިވެރިވެވޭގޮތަށް އެކި އުމުރު ފުރާތަކަށް ވަކިން ކުރިޔަށްގެންދާ ކްލާސްތަކެކެވެ. އަދި މިހާތަނަށް ބޮޑެތިމީހުންނާއި ކުޑަކުދިން ހިމެނޭގޮތަށް ޖުމްލަ ސާޅީހަށްވުރެ ގިނަ ބައިވެރިން މިކްލާސްތަކަށް ކިޔަވަން އަންނަކަމަށްވެސް ދަރަވަންދޫ ކައުންސިލުން ބުންޏެވެ.

 

ދަރަވަންދޫ ކައުންސިލުން ބުނީ މި ކްލާސްތަކަކީ ރަމަޟާންމަހާ ގުޅިގެން އެރަށުގެ އާންމުންނަށް ތަޖްވީދުމަގަށް ގުރުއާން ކިޔަވަން ދަސްކޮށްދިނުމުގެ ގޮތުން ކުރިޔަށްގެންދާ ކްލާސްތަކެއް ކަމަށެވެ.

 

މި ކްލާސްތައް މިރަމަޟާން މަހުގެ ނިޔަލަށް ކުރިޔަށްގެންދިއުމަށް ހަމަޖެހިފައިވާ ކަމަށް ދަރަވަންދޫ ކައުންސިލުން ބުންޏެވެ. މި ރޯދަމަހު އިމާމުވެ ތަރާވީހު ނަމާދާއި ދަމު ނަމާދު ކުރުމަށް 4 ހާފިޒުން ދަރަވަންދޫގައި ދަނީ ހަރަކާތްތެރިވަމުންނެވެ.