ކުލަގަދަކޮށް އީދު ފާހަގަކުރުމަށް ތައްޔާރުވަނީ
ތަފާތު ގިނަ ކުޅިވަރު ހަރަކާތްތަކާއެކު މި އަހަރުގެ ބޮޑު އީދު ބ. އޭދަފުށީގައި ކުލަގަދަކޮށް ފާހަގަ ކުރާ ގޮތަށް ހަމަޖައްސައިފި އެވެ.
އޭދަފުށީ ކްލަބް ޖަމިއްޔާތަކާއި ޒުވާނުން އިސްނަގައިގެން ކުރިއަށް ގެންދާ ހަރަކާތްތަކާ ބެހޭގޮތުން ވާހަކަ ދެއްކި އޮފިޝަލަކު މިއަދު ބުނީ “އީދު ކުޅިވަރު 1435″ގެ ނަމުގައި ބޮޑު އީދުގެ ހަތަރު ދުވަސް މި ރަށުގައި ކުލަ ގަދަކޮށް ފާހަގަ ކުރުމަށް ނިންމާފައިވާ އިރު، މިއުޒިކް ޝޯ ތަކުގެ އިތުރުން ރަށުގައި އަރަމުން އަންނަ ޒުވާން ބޮޑުބެރު ގުރޫޕުތައް ވެސް އީދު ޝޯތަކުގައި ހަރަކާތްތެރިވާނެ ކަމަށެވެ.
އޮފިޝަލު ބުނިގޮތުގައި މިއުޒިކް ޝޯތަކުގެ އިތުރުން، ކޮންމެ އަހަރެއްގައި ވެސް ކުރިއަށް ގެންދާ ސަގާފީ ކުޅިވަރުތަކާއި ފުޓްބޯޅަ މުބާރާތް މި އަހަރު ވެސް މި ރަށުގައި އޮންނާނެ އެވެ. މީގެ އިތުރުން ބައިބަލާ، ތިންމުގޯލި، ބަށި މުބާރާތުގެ އިތުރުން ބޯކިބާ އެޅުމުގެ މުބާރާތެއްވެސް ބޭއްވުމަށްވަނީ ހަމަޖެހިފަ އެވެ.
“މީގެ ތެރެއިން ބައިބަލާ އަދި ވާދެމުން ކުރިއަށްދާނީ ރޭގަނޑު ބާއްވާ މިއުޒިކް ޝޯތަކުގެ ތެރެއިން،” އޮފިޝަލު ބުންޏެވެ.
އީދު ކުޅިވަރުތައް އިންތިޒާމްކުރާ ފަރާތުން ބުނަނީ މިއީ މީގެ އަހަރުތަކެއް ކުރިން އީދު ކުޅިވަރަށް މުޅި ރާއްޖެ އަށް މަޝްހޫރު އޭދަފުށީގައި އީދު ކުޅިވަރުތައް ހުއްޓިފައި އޮތުމަށް ފަހު މި ސިލްސިލާގެ އާ ފެށުމަކަށް ވެދާނެ ކަމަށެވެ.
ކޮމެންޓްސް (0)
ލޯޑް ކުރަނީ...