އަންހެނުންގެ ހުނަރު އިތުރުކުރުމުގެ ޕްރޮގްރާމެއް ފަށައިފި
އިޤްތިސާދީގޮތުން އަންހެނުންގެ ހުނަރު އިތުރުކުރުމުގެ މަސައްކަތު ބައްދަލުވުމެއް އޭދަފުށީގައި މިއަދު ފަށައިފި އެވެ.
މިނިސްޓްރީ އޮފް ލޯ އެންޑް ޖެންޑާގެ ފަރާތުން ކުރިއަށްގެންދާ މި މަސައްކަތު ބައްދަލުވުމުގައި ރ. ބ. އަދި ޅ އަތޮޅުން 30 އަންހެނުން ބޭކަނބަލުން ބައިވެރިވެ އެވެ.
ލޯ އެންޑް ޖެންޑާ މިނިސްޓަރީން ބުނީ މިއަދުން ފެށިގެން އަންނަ ބުރާސްފަތި ދުވަހުގެ ނިޔަލަށް އޭދަފުށީ މަލްޓި ޕާޕަސް ހޯލްގައި ކުރިއަށް ގެންދާ މި މަސައްކަތު ބައްދަލުވުމުގައި ކުދި ވިޔަފާރި (ހޯމް ބޭސް) ވިޔަފާރި ކުރައްވަމުން ގެންދަވާ ފަރާތްތަކަށް އެކަމާއިގުޅޭ ހުނަރާއި މަޢުލޫމާތު ފޯރުކޮށްދިނުމަށް ހަމަޖެހިފައިވާ ކަމަށެވެ.
އެ މިނިސްޓްރީން ބުނިގޮތުގައި އިޤްތިސާދީގޮތުން ފުއްދުންތެރި ބަޔަކަށް ހެދުމަށްޓަކައި ކަމާބެހޭ ހުނަރާއި މަޢުލޫމާތަކީ މި ރޮނގުން އަންހެނުން ޤާބިލް ބައެއްގެ ގޮތުގައި ހެދުމަށް ބޭނުންވާ އެންމެ މުހިއްމު އެއް ވަސީލަތަށް ވުމާއިއެކު މި މަސައްކަތު ބައްދަލުވުން ނިމޭއިރު އަންހެނުން އިޖްތިމާޢީ، ސިޔާސީ އަދި އިޤްތިސާދީގޮތުން ކުރިއަރުވައި އެމީހުންނަކީ އެފަދަ ރޮނގުތަކުގައި މިހާރަށްވުރެ ހޭލުންތެރި އަދި ފުއްދުންތެރި، ބާރުވެރި ބަޔަކަށް ހެދުމަކީ މި މަސައްކަތު ބައްދަލުވުމުގެ އެންމެ މުހިއްމު މަޤްސަދެވެ.
މި ތަމްރީން ޕްރޮގްރާމްގެ ތެރެއިން މި މަޤްސަދު ބައިވެރިންނަށް ހާސިލްވެގެން ދިއުމަކީ އެ މިނިސްޓްރީގެ އަމާޒެކެވެ.
ކޮމެންޓްސް (0)
ލޯޑް ކުރަނީ...