މި އަހަރުގެ ދިރާގު ދިވެހި ލީގުގެ ދެވަނަ ބުރުން ވާދަކުރާ ގަދަ ފަސް ކުޅުންތެރިންގެ ތެރޭގައި އަލީ ފާސިރު (ސެންޓޭ) އަދި 21 އަހަރުން ދަށުގެ އެންމެ މޮޅު ކުޅުންތެރިޔާ އަށް ވާދަކުރާ ކުޅުންތެރިންގެ
ތެރޭގައި ހަމްޒާ މުހައްމަދު (ހަމްޕު) ހިމެނިއްޖެ އެވެ.
ހަވީރުގެ ޓްރޮފީއާ 30،000ރ. ހުށަހަޅާފައިވާ އެންމެ މޮޅު ފުޓްބޯޅަ ކުޅުންތެރިޔާގެ މަގާމަށް ސެންޓޭގެ އިތުރުން ވާދަކުރަނީ މާޒިޔާގެ މުހައްމަދު އިރުފާން (އިރޭ) އާއި އަސްހަދު އަލީ (އަޑުބަރޭ) އާއި އަސަދުﷲ އަބްދުﷲ އަދި ކްލަބް އީގަލްސްގެ އިސްމާއިލް އީސާ އެވެ.
ލީގުގެ ފުރަތަމަ ބުރުން 21 އަހަރުން ދަށުގެ އެންމެ މޮޅު ކުޅުންތެރިޔާ އަށް ހަމްޕު އާއެކު ވާދަކުރަނީ ބީޖީ ސްޕޯޓްސްގެ އަހުމަދު ވިސާމް (ޖެރާޑް) އާއި މާޒިޔާގެ އިރްފާން (އިރޭ) އާއި އީގަލްސްގެ ހަމްދާން އިބްރާހިމް އަދި މަހިބަދޫ ސްޕޯޓްސް ކްލަބުގެ ސަމޫހު އަލީ އެވެ.
ލީގުގެ ދެވަނަ ބުރުގައި ކުޅުނު 7 މެޗުގެ ތެރެއިން އަލީ ފާސިރު ވަނީ 6 މެޗު ކުޅެ، 3 ގޯލު ޖަހައި، 2 ގޯލު ޖެހުމުގައި އެހީތެރިވެދީފަ އެވެ. އޭނާއަށް މި ބުރުގައި ނުކުޅެވުނީ އެންމެ ފަހު މެޗުގައި މަހިބަދޫ އާ ދެކޮޅަށެވެ. ސަބަބަކީ އީދުގައި މިރަށުގައި ބޭއްވި މުބާރާތުގައި ކުޅުމުގެ ސަބަބުންނާއި އީދު ބަންދަށް ފަހު ކްލަބުގެ ޕްރެކްޓިހަށް ހާޒިރުނުވާތީ ނިއު އިން އޭނާ އެ މެޗަށް ސަސްޕެންޑު ކުރުމުންނެވެ.
ހަމްޒާ މުހަންމަދު ވަނީ ފުރަތަމަ ބުރުގައި ނިއު އޭވައިއެލް ކުޅުނު މެޗު ފިޔަވައި ބާކީ 6 މެޗުގައި ކުޅެފައެވެ. އަދި 4 މެޗެއްގައި ފުރަތަމަ 11 އިން ވެސް ވަނީ ޖާގަ ހޯދައިފައެވެ.
ހަމްޕު ދެން މާމަސްހޫރު ކޮށްގެން ތިއުޅެނީ އަސްލު އޭނައަކީ ވަރަށް އާދައިގެ ކުޅުންތެރިއެއް