ކުށްމަދު އަމާން ވެށްޓެއް ގާއިމުކުރުމަށް ފުލުހުން ކުރަމުންދާ މަސައްކަތްތަކުގެ ތެރެއިން ބ. ތުޅާދޫ ވިޔަފާރިވެރިންނަށް އަމާޒްކޮށްގެން ހޭލުންތެރިކުރުމުގެ ޕްރޮގްރާމެއް އެ ރަށުގައި ހިންގައިފި އެވެ.
ފުލުހުން އިއްޔެ ހިންގި އެ ޕްރޮގްރާމުގައި ތުޅާދޫގައި ހުރި ފިހާރަތަކަށް ޒިޔާރަތްކޮށް ސަލާމަތާ ރައްކާތެރިކަމަށް އެޅިދާނެ ފިޔަވަޅުތަކާއި ވިއްކުމުގައި ސަމާލުވާންޖެހޭ ތަކެއްޗާއި އަދި ކުޑަކުދިންނަށް ތަކެތި ވިއްކުމުގައި މިހާރަށްވުރެ ސަމާލުވުމާ ގުޅޭގޮތުން މައުލޫމާތު ދީފައިވެ އެވެ. މީގެއިތުރުން ރީލޯޑް ރާސްޓަސް ކުރުމުގައި މިހާރަށްވުރެ ސަމާލުވުމާ ގުޅޭގޮތުންވެސް މަޢުލޫމާތު ދީފައިވާނެކަމަށް ފުލުހުން ބުނެއެވެ.
މި ޕްރޮގްރާމުގައި ތުޅާދޫގައި ހުރި ހުރިހާ ފިހާރަތަކަށް ޒިޔާރްތަކޮށް މައުލޫމާތު ދީފައިވާއިރު، މި ޕްރޮގްރާމުގައި ތުޅާދޫ ޕޮލިސް ސްޓޭޝަނުގައި މަސައްކަތްކުރާ ހުރިހާ ފުލުހުން ބައިވެރިވެފައިވެ އެވެ.
އަތޮޅުތަކުގައި ގާއިމުކޮށްފައިވާ ޕޮލިސް ސްޓޭޝަންތަކުގައި މަސައްކަތްކުރާ ފުލުހުން އަންނަނީ އެރަށްރަށުގެ ރައްޔިތުންނާއި ވިޔަފާރަވެރިން ހޭލުންތެރިކުރުމުގެ ގޮތުން ތަފާތު ޕްރޮގްރާމުތައް ހިންގަމުންނެވެ.