މަރާމާތަށް މަސްޖިދުލް ޔޫސުފް ބަންދުކޮށްފި

އޭދަފުށި ޓައިމްސް•ޚަބަރު•June 8, 2015

އަންނަ ރޯދަމަހަށް ބޮޑެތި މަރާމާތުތަކެއް ކުރުމަށްޓަކައި އޭދަފުށީ މަސްޖިދު ޔޫސުފް ވަގުތީ ގޮތުން ބަންދުކޮށްފި އެވެ.

އޭދަފުށީ ކައުންސިލުން ބުނިގޮތުގައި މިސްކިތް ބަންދުކޮށް މަރާމާތުގެ މަސައްކަތް ބަޔަކާ ހަވާލުކޮށްގެން މަސައްކަތް ފަށާފައިވާކަމަށާއި މަރާމާތުގެ އަގު އަށްޑިހަ ފަސްހާސް ރުފިޔާއަށްވުރެ ބޮޑުވާނެ އެވެ.

އޭދަފުށީ ކައުންސިލްގެ ރައީސް އަލީ ވަހީދު ވިދާޅުވި ގޮތުގައި މިފަހަރު ބޮޑު މަރާމާތަކަށް މިސްކިތުގެ ސީލިންގް އެކީ ބަދަލުކުރުން ހިމެނެ އެވެ. އޭގެ އިތުރުންވެސް ކުލަ އާ ކުރުންފަދަ ކުދިކުދި މަރާމާތުތައް ވެސް ކުރިއަށްދާނެ ކަމަށް އަލީ ވަހީދު ވިދާޅުވި އެވެ.

މަސްޖިދިލް ޔޫސުފް މަރާމާތު ކުރުމުގެ މަސައްކަތް ކުރަނީ.. ފޮޓޯ / ސައިނޯސާ ރާއީ

ރޯދަމަސް ފެށުމުގެ ކުރިން މިސްކިތް ހުޅުވިގެންދާއިރު އޭދަފުށީގެ އަމިއްލަ ޖަމްއިއްޔާއެއްކަމުގައިވާ ކްލަބް ދަބިގިނާސްގެ ފަރާތުން ހިލޭ އެ މިސްކިތް އެކީ އެއާކޯން ކުރުމަށްވެސް ހަމަޖެހިފައިވާކަމަށްވެސް އޭދަފުށީ ކައުންސިލުން ބުނެޏެވެ.

އޭދަފުށީގެ މަސްޖިދުލް ޔޫސުފް މިސްކިތުގެ މަރާމާތުގެ މަސައްކަތް ހުކުރު ދުވަހު ފެށުނުއިރު، ބ. އަތޮޅުގެ އެހެނިހެން ގިނަ ރަށްރަށުގެ މިސްކިތްތަކުގެ މަރާމާތު މަސައްކަތްވެސް ފެށިގެން ކުރިޔަށްދާކަމަށް ރަށްރަށުގެ ކައުންސިލް އިދާރާތަކުން ބުނެ އެވެ.

ކޮމެންޓްސް (0)

ލޯޑް ކުރަނީ...