މަޝްހޫރު ވިޔަފާރި ނޫހެއް ކަމަށްވާ ބިޒްނަސް އިންސައިޑާ އިން އެކުލަވާލި ރާއްޖެއިން އެންމެ ރީތިކަމަށް ފާހަގަކޮށްލެވޭ އަށް ރިސޯޓްގެ ތެރޭގައި ބ. އަތޮޅުގައި ހިންގަމުން އަންނަ އަނަންތަރާ ކިހަވައް ވިލާސް ހިމެނިއްޖެ އެވެ.
ވިޔަފާރިއާއި ޓެކްނޮލޮޖީގެ ހަބަރުތައް ގެނެސްދޭ މަޝްހޫރު މި ވެބްސައިޓުގައި ބުނެފައިވާ ގޮތުގައި އަނަންތަރާ ކިހާވަށް ވިލާސް ގައިވާ 79 ވިލާގެ ތެރެއިން ގިނަ ވިލާތަކަކީ މޫދުގެ ލޮނުގަނޑު މަތީގައިވާ ވިލާތަކެކެވެ. އެތަނުގައިވާ ސްޕާއާއި ސިކްސް ޓްރީޓްމެންޓްސް ސުއިޓްސް ވެސް ބިނާކޮށްފައިވަނީ ލޮނުގަނޑުގެ މަތީގައި ކަމަށް އެ ނޫހުގައި ބުނެފައިވެ އެވެ.
ތައިލެންޑުގެ މަޝްހޫރު ހޮސްޕިޓެލިޓީ ކުންފުނި މައިނަ އިންޓަނޭޝަނަލް އިން އޮޕަރޭޓްކުރާ އަނަންތަރާ ބްރޭންޑުގެ ދަށުން ރާއްޖޭގައި ހަތަރު ރިސޯޓެއް ހިންގަ އެވެ. އެއީ ދިގު ރިސޯޓުގެ ފަޅުގެ ތެރޭގައި އޮންނަ އަނަންތަރާ ވެލި ރިސޯޓާއި ނަލަދޫ ރިސޯޓުގެ އިތުރުން ބ. އަތޮޅުގައި ހަދާފައިވާ އަނަންތަރާ ކިހާވަށް ވިލާސް އެވެ.
“ބިޒްނަސް އިންސައިޑާ”އިން އެކުލަވާލި ރާއްޖެއިން އެންމެ ރީތިކަމަށް ފާހަގަކޮށްލެވޭ އަށް ރިސޯޓް:
• ޗެވަލް ބްލޭންކް ރަންދެލި
• ކޮންރާޑް މޯލްޑިވްސް ރަންގަލި
• ނަލަދޫ
• ވަން އެންޑް އޮންލީ ރީތިރަށް
• ކޮކޯ އައިލެންޑް (މަކުނުފުށި)
• ވެލާ ޕްރައިވެޓް އައިލެންޑް
• ޖުމެއިރާ ދެވަނަ ފުށި
• އަނަންތަރާ ކިހަވައް ވިލާސް
