އެމްޑީޕީގެ ކެމްޕޭން ބިލްބޯޑުތަކަށް ގެއްލުންދީފި!

 

ބ. އޭދަފުށީގައި ބަހައްޓާފައިހުރި އެމްޑީޕީގެ ކެމްޕޭން ބިލް ބޯޑުތަކަށް ގެއްލުން ދީފި އެވެ.

އެގޮތުން ރޭ ދަންވަރުގެ ވަގުތެއްގައިވަނީ މި ރަށުގެ އެކި ސަރަހައްދުތަކުގައި އެމްޑީޕީން ބަހައްޓާފައިހުރި ކެމްޕޭން ބިލް ބޯޑުތަކަށް ކަޅު ސްޕްރޭ ޖަހައި ގެއްލުންދީފަ އެވެ.

އަންނަ ރިޔާސީ އިންތިހާބާ ދިމާކޮށް އޭދަފުށީގެ އެކި ސަރަހައްދުތަކުގައި ޖަގަހަތައް ހުޅުވައިގެން ރަށުގެ އެކިއެކި ސަރަހައްދުތަކުގައި ކެމްޕެއިން ބެނާތަކާއި، ދިދަފަތިތައް ދަމައި ފޯރީގައި ކެމްޕެއިން ހަރަކާތައް އިތުރުކޮށްފައިވާ އިރު، އެމްޑީޕީގެ ކެމްޕޭން ބިލްބޯޑުތަކަށް މީގެ ކުރިން ގެއްލުން ދީފައިވެ އެވެ.

އެގޮތުން ދާދި ފަހުން އެ ޕާޓީން މިރަށު ބޮޑު މަގުގައި ބެހެއްޓި “ނެތޭ ވެވޭކަށް ބާޣީއަކަށް” ބޮޑު ބިލް ބޯޑަށްވެސް ބަޔަކު ދަވާދު ޖެހުމަށް ފަހު ގެއްލުން ދީފައިވާ އިރު،  އެމްޑީޕީއަށް ސަޕޯޓްކުރާ މީހުން އާއްމުކޮށް ގޮސްއުޅޭ އުތުރުފަރާތު ހޮޅުއަށްޓަށްވެސް މީގެ ކުރިން  ވަނީ ކަޅު ތެޔޮ ޖަހައި ގެއްލުންދީފަ އެވެ.