ބ. އަތޮޅު ތައުލީމީ މަރުކަޒުގައި މިއަހަރު އޭލެވެލް ކްލާސްތަކަށް ޝަރުތު ހަމަނުވާ ކުދިންނަށް ދެވަނަ ފުރުސަތެއް އެ ސްކޫލުން ހުޅުވާލައިފި އެވެ.
އެ ސްކޫލުން ބުނީ ވީހާ ވެސް ގިނަ ކުދިންނަށް ފުރުސަތު ދިނުމަށްޓަކައި ދެވަނަ ފުރުސަތެއްގެ ގޮތުން އޭލެވެލްގައި ބައިވެރިވުމުގެ ޝަރުތަށް ބަދަލު ގެނެސްފައިވާ ކަމަށެވެ.
އެ ސްކޫލުގައި އޭލެވެލް ކްލާސްތަކުގައި ބައިވެރިވެވޭނީ އޯލެވެލްގެ ހަތަރު މާއްދާއަކުން ފާސްވެގެންނެވެ. ނަމަވެސް ސްޓްރީމް ދެ މާއްދާއާއެކު ދިވެހި ނުވަތަ އިސްލާމުން ފާސްވެފައިވާ ދަރިވަރުންނަށް ވެސް އެ ސްކޫލުންމިހާރުވަނީ ފުރުސަތު ހުޅުވާލާފަ އެވެ. ނަމަވެސް ދެވަނަ ފުރުސަތުގެ ދަށުން އެޕްލިކޭޝަން ހުށަހަޅާ ކުދިންނަށް ޖާގަ ދިނުމަށް ނިންމާފައިވަނީ އޭލެވެލް ކްލާސްތަކުގައި 25 ކުދިން ހަމަ ނުވާނަމަ އެވެ.
ތައުލީމީ މަރުކަޒުން ބުނިގޮތުގައި ދެވަނަ ފުރުސަތުގެ ދަށުން ވަންނަންއެދޭ ކުދިން އަންނަ ބުރާސްފަތު ދުވަހުގެ ކުރިން އެ ސްކޫލަށް އެޕްލިކޭޝަން ފޯމް ހުށަހަޅަން ޖެހެއެވެ.
ބ. އަތޮޅު ތައުލީމީ މަރުކަޒުގައި އޭލެވެލް ކްލާސްތަކުގެ ކިޔެވުން މިއަހަރު ފެށުމަށް ހަމަޖެހިފައިވަނީ އަންނަ މަހުއެވެ.