ކަނޑުމަތީގެ ސަލާމަތާއި ރައްކާތެރިކަމުގެ ފިޔަވަޅުތަކާއި ތިމާވެށްޓަށް ހޭލުންތެރިކަން އިތުރުކުރުމުގެ ގޮތުން ޕްރޮގްރާމެއް ސޮނޭވާ ފުށި ރިސޯޓްގައި ހިންގައިފި އެވެ.
މެއި މަހުގެ 9 ވަނަ ދުވަހުން ފެށިގެ ދެ ދުވަހުގެ މުއްދަތަށް ކުރިއަށް ގެންދިޔަ މި ޕްރޮގްރާމަކީ ސޮނާވާ ފުށި ރިސޯޓާއި ބ. އޭދަފުށީ ޕޮލިސް ސްޓޭޝަނާއި ބ. އޭދަފުށްޓާއި ދަރަވަންދޫ އާއި މާޅޮސްގެ އިތުރުން ދޮންފަނު ސްކޫލް ގުޅިގެން ކުރިއަށް ގެންދިޔަ ޕްރޮގްރާމެކެވެ.
މި ޕްރޮގްރާމްގައި ކަނޑުމަތީގެ ސަލާމަތީ ކަންކަމާއި ހިނގާފާނެ ހާދިސާއަކުން ރައްކާތެރިވުމަށް ކުރެވިދާނެ ކަންތައްތަކާއި އެޅިދާނެ ފިޔަވަޅުތަކާއި ބެހޭގޮތުން ތިމާވެށި ރައްކާތެރިކުރުމަށް ކުރެވިދާނެ ކަންތައްތަކާއި ވޭސްޓް މެނޭޖްމަންޓާއި ބެހޭގޮތުން ވަނީ މަޢުލޫމާތު ދީފަ އެވެ.
މި ޕްރޮގްރާމްގައި މަޢުލޫމާތު ދީފައިވަނީ ބ. އޭދަފުށި ޕޮލިސް ސްޓޭޝަންގައި މަސައްކަތްކުރާ ފުލުހުންނާއި ސޮނެފުށީގައި މަސައްކަތްކުރާ ފަރާތްތަކުންނެވެ. މި ޕްރޮގްރާމްގައި 16 ބައިވެރިއަކު ބައިވެރިވެފައިވެ އެވެ.
