“ހަބޭސް” އަށް އާދެވޭގޮތް ނުވުމުން ފަހުވަގުތު ޝޯ ކެންސަލްކޮށްފި

“ޑައުން ޓައުން” ގްރޫޕުން މިރޭ އޭދަފުށީގައި ބާއްވަން ހަމަޖެއްސި ޝޯ ފަހުވަގުތު ޝޯ ކެންސަލް ކޮށްފި އެވެ.

“އުރީދޫ އީދު އުފާ” ނަމުގައި މިރޭ ބާއްވަން ނިންމި ޝޯ ފަހު ވަގުތު ކެންސަލު ކުރީ ދިމާވި މައްސަލައަކާ ގުޅިގެން ހަބޭސް ބޮޑުބެރު ގްރޫޕަށް މިރަށަށް އާދެވޭގޮތް ނުވުމުން ކަމަށް އެ ގްރޫޕުން ބުންޏެވެ.

ނަމަވެސް މާދަމާރޭ ޝޯ ބޭއްވޭތޯ މަސައްކަތް ކުރަމުން އަންނަކަމަށްވެސް އެ ގްރޫޕުން ބުންޏެވެ.

ޑައުންޑައުން ގްރޫޕުން ރޭ ވަނީ އޭދަފުށީގައި ޝޯއެއް ބާއްވައިފަ އެވެ. އޭދަފުށީ ދާއިރާގެ މެންބަރު އަހްމަދު ސަލީމް ސްޕޮންސަކޮށްގެން ބޭއްވި މި ޝޯ ގައި މޯލްޑިވިއަން އައިޑޮލްއިން ވިދާލި އަލިގަދަ ތަރި، އިޝާން ވަނީ ޕަފޯމްކޮށްފަ އެވެ.