ބ. އަތޮޅު ކައުންސިލުގެ އެޕްރެންޓިސްޝިޕް ޕްރޮގްރާމަށް ހުޅުވާލައިފި
ބ. އަތޮޅު ކައުންސިލުގެ ފަރާތުން ސްކޫލް ނިންމާ ދަރިވަރުން، މަސައްކަތުގެ މާހައުލަށް އަހުލުވެރި ކުރުވައި، ތައްޔާރުވުމަށް ފުރުސަތު ދިނުމުގެ ގޮތުން އެޕްރެންޓިސްޝިޕް ޕްރޮގްރާމެއް ހުޅުވާލައިފިއެވެ.
ބ. އަތޮޅު ކައުންސިލުން ބުނީ އެޕްރެންޓިސްޝިޕް ޕްރޮގްރާމްގައި ބައިވެރިވުމުގެ ފުރުސަތު މިމަހުގެ 25 ވަނަ ދުވަހާ ހަމައަށް އޮންނާނެ ކަމަށެވެ.
މިއީ އަތޮޅު ކައުންސިލުން މި ޕްރޮގްރާމް ހިންގާ ދެވަނަ ފަހަރެވެ. މި ފަހަރުގެ އެޕްރެންޓިސްޝިޕް ޕްރޮގްރާމުން 2 ކުއްޖަކަށް ޖާގަ އެވެ.
މި ޕްރޮގްރާމްގައި ބައިވެރިވާ ކުދިންނަށް އަތޮޅު ކައުންސިލްގެ އެކި ސެކްޝަން ތަކުގައި މަސައްކަތް ކުރުމުގެ ފުރުސަތާއި ސަރުކާރު އޮފީހެއްގައި އާންމުކޮށް ކޮށްއުޅޭ މަސައްކަތްތައް ދަސްކުރުމުގެ ފުރުސަތު ލިބިގެންދާނެ އެވެ.
ބ. އަތޮޅު ކައުންސިލުން ބުނިގޮތުގައި މި ޕްރޮގްރާމް ކުރިޔަށް ގެންދިއުމުގެ މައިގަނޑު މަގްސަދަކީ ސްކޫލް ކިޔެވުން ނިންމުމަށްފަހު ދަރިވަރުން މަސައްކަތުގެ މާހައުލަށް ނުކުތުމަށް ތައްޔާރުކޮށްދީ އަދި މަސައްކަތުގެ ތަޖުރިބާ ދިނުމެވެ.
ކޮމެންޓްސް (0)
ލޯޑް ކުރަނީ...