ބ. އަތޮޅުގެ ހަތަރު ފިނޮޅެއް ދިހަ އަހަރަށް ކުއްޔަށް ދެނީ
ބ. އަތޮޅުގެ ހަތަރު ފިނޮޅު ކުއްޔަށް ދޫކުރަން އަތޮޅު ކައުންސިލުން އިއުލާންކޮށްފި އެވެ.
މި ހަތަރު ފިނޮޅު އެއް އަހަރު ދުވަހަށް ވަގުތީގޮތުން ބެލެހެއްޓުމަށް ތިން ފަރާތަކަށް 2022 ވަނަ އަހަރު ވެސް ކުއްޔަށްދީފައި ވެ އެވެ. މި ފިނޮޅުތައް ކުއްޔަށްދީގެން މިދިޔަ އަހަރު ބ. އަތޮޅު ކައުންސިލުން ވަނީ 2.5 މިލިއަން ރުފިޔާގެ އާމްދަނީއެއް ވެސް ހޯދައިފަ އެވެ.
ބ. އަތޮޅު ކައުންސިލުން ބުނި ގޮތުގައި މި ހަތަރު ފިނޮޅު ވެސް މިފަހަރު ކުއްޔަށް ދެނީ ދިހަ އަހަރު ދުވަހަށެވެ.
މި ފިނޮޅުތައް ކުއްޔަށް ހިފަން ބޭނުންވާ ފަރާތްތަކުން އަންނަ ފެބްރުއަރީ މަހު 15 ވަނަ ދުވަހުގެ 13:00 އަށް ޕްރޮޕޯސަލް ހުށަހަޅަން ވަނީ ފުރުސަތު ހުޅުވާލައިފަ އެވެ. އަދި ފެބްރުއަރީ 8 ގެ ކުރިން ބީލަމުގައި ރަޖިސްޓަރީވާން ޖެހެއެވެ.
ކޮމެންޓްސް (0)
ލޯޑް ކުރަނީ...