ބީއެމްއެލް އިން ރަށްރަށުގެ ބްރާންޗުތަކަށް ފައިނޭންޝަލް އެޑްވައިޒަރުން ހޯދަނީ
ބޭންކް އޮފް މޯލްޑިވްސް (ބީއެމްއެލް) ގެ ޚިދުމަތްތައް ފުޅާކޮށް، ކަސްޓަމަރުންނަށް ދޭ މާލީ އިރުޝާދުތައް ހަރުދަނާކުރުމުގެ ގޮތުން ރާއްޖޭގެ އެކި ސަރަހައްދުތަކުގައި ހުރި އެ ބޭންކުގެ ސޭލްސް އެންޑް އެޑްވައިޒަރީ ސެންޓަރުތަކަށް މުވައްޒަފުން ހޯދަން އިޢުލާންކޮށްފިއެވެ.
މިއީ ބޭންކުގެ އެޑްވައިޒަރީ ޚިދުމަތްތައް އިތުރަށް ފުޅާކޮށް، ކަސްޓަމަރުންނަށް ފޯރުކޮށްދޭ ޚިދުމަތުގެ ފެންވަރު މަތިކުރުމަށް ކުރިއަށްގެންދާ ރެކްރޫޓްމަންޓް ޑްރައިވެކެވެ.
ބީއެމްއެލް އިން ކުރި އިޢުލާނެއްގައިވާ ގޮތުން، މި ފުރުޞަތު ހުޅުވާލާފައިވަނީ ލީޑް ފައިނޭންޝަލް އެޑްވައިޒަރުން، ސީނިއާ ފައިނޭންޝަލް އެޑްވައިޒަރުން އަދި ފައިނޭންޝަލް އެޑްވައިޒަރުންގެ މަގާމަށެވެ. މި މަގާމުތަކަށް މުވައްޒަފުން ހޯދަނީ ރާއްޖޭގެ އުތުރާއި، މެދުތެރެ އަދި ދެކުނުގެ އެކި ސަރަހައްދުތަކަށެވެ.
މުވައްޒަފުން ހޯދާ ރަށްތައް
ބޭންކުން މުވައްޒަފުން ހޯދުމަށް އިޢުލާންކޮށްފައިވާ ރަށްތަކުގެ ތެރޭގައި ހިމެނެނީ:
- ގއ. ގެމަނަފުށި
- ލ. ހިތަދޫ އަދި ލ. މާމެންދޫ
- ތ. ވިލުފުށި
- ށ. ކަނޑިތީމު
- ހދ. ހަނިމާދޫ އަދި ހދ. ކުޅުދުއްފުށި
- ސ. ހުޅުދޫ
- އދ. މާމިގިލި
- އއ. ތޮއްޑޫ
- ރ. އަލިފުށި
- ޅ. ހިންނަވަރު
މި މަގާމުތަކަށް ޝައުގުވެރިވާ ފަރާތްތަކުން އެޕްލިކޭޝަން ހުށަހެޅުމުގެ އެންމެ ފަހު ތާރީޚަކީ 19 ފެބްރުއަރީ 2026 އެވެ. ވަޒީފާއަށް ކުރިމަތިލާން ބޭނުންވާ ފަރާތްތަކުން ބޭންކް އޮފް މޯލްޑިވްސްގެ ރަސްމީ ވެބްސައިޓް މެދުވެރިކޮށް އޮންލައިންކޮށް ފޯމު ހުށަހެޅޭނެ ކަމަށް އެ ބޭންކުން ބުނެއެވެ.
ބީއެމްއެލް އަކީ ރާއްޖޭގައި އެންމެ ފުޅާދާއިރާއެއްގައި ބޭންކިންގ ޚިދުމަތް ދެމުންދާ މުއައްސަސާއަށް ވާއިރު، މި ފުރުޞަތަކީ މާލީ ދާއިރާއިން ކުރިއަށްދާން ބޭނުންވާ ފަރާތްތަކަށް ހުޅުވާލެވުނު ރަނގަޅު ފުރުޞަތެކެވެ.
ކޮމެންޓްސް (0)
ލޯޑް ކުރަނީ...