ފޭލި ޤުރްއާން މުބާރާތް މާދަމާރޭ ފަށަނީ
ފައުންޑޭޝަން އޮފް އޭދަފުށީ ޔޫތު ލިންކޭޖް އިން ރޯދަމަހު ބާއްވާ ގުރުއާން ކިޔެވުމުގެ މުބާރާތް މާދަމާރޭ ފަށާން ތައްޔާރުވެއްޖެ އެވެ.
ފޭލިން ބުނީ ހަތް މިއަހަރުގެ މުބާރާތުގައި ވެސް ދުއިސައްތަ އަށްވުރެ ގިނަ ބައިވެރިން ބައިވެރިވެފައިވާ ކަމަށެވެ.
ބ. އަތޮޅު ތައުލީމީ މަރުކަޒުގެ ހޯލުގައި މާދަމާރޭ ފަށާ މި މުބާރާތުގެ ކިޔެވުން އަންނަ އަންގާރަ ދުވަހާ ހަމައަށް ދެމިގެންދާނެ އެވެ. މި މުބާރާތުގެ ހިތުން ކިޔެވުމުގެ ބައިން އެއްވަނަ އަށް ދާ ފަރާތަކަށް މިއަހަރުވެސް އުމުރާ ދަތުރެއްވަނީ ހުށަހަޅައިފަ އެވެ.
ފޭލި ޖަމިއްޔާއިން ބުނިގޮތުގައި މިފަދަ މުބާރާތެއް ބޭއްވުމުގެ އެންމެ ބޮޑު ބޭނުމަކީ، ރަމަޟާންމަހަކީ އެމަހެއްގައި ކީރިތި ޤުރްއާން ބާވައިލެއްވި މައްސަރުކަމަށްވާތީއާއި، އެ މައްސަރުގެ ބަރަކާތްތެރިކަމާއި، މާތްކަން އަޅުގަނޑުމެންގެ ޅަދަރިންނަށާއި ބޮޑެތި މީހުންނަށްވެސް އަންގައިދީ، ޅަދަރިންގެ ހިތްތަކުގައި ޤުރުއާނަށް ލޯބިޖައްސުވައި އިސްލާމްދީނުގެ ތަރަހަމަތީގައި އެކުދިން ތަރުބިއްޔަތުވުމުގެ ފުރުސަތު ހޯދައިދިނުމުގެ މާތް މަގްސަދުގައެވެ.
މި މުބާރާތަކީ 2002 އިން ފެށިގެން ކޮންމެ އަހަރަކު ވެސް އެ ޖަމިއްޔާއިން މުޅި ރާއްޖެއަށް ހުޅުވާލައިގެން ބާއްވާ މުބާރާތެކެވެ. އެގޮތުން މިއީ މި މުބާރާތް ބާއްވާ 21 ވަނަ އަހަރެވެ.
ކޮމެންޓްސް (0)
ލޯޑް ކުރަނީ...