މިދިޔަ ހަފްތާތެރޭގައި ސްރީލަންކާއަށް ދިޔަ ބ. އޭދަފުށީ ޒުވާނަކު ގެއްލިގެން ހޯދަން ފަށައިފިއެވެ.
ފުލުހުން ބުނިގޮތުގައި ލަންކާއަށް ދިއުމަށް ފަހު ޚަބަރެއް ނުވުމުގެ ސަބަބުން ހޯދުމުގެ މަސައްކަތް ކުރަމުން އަންނަނީ، ބ.އޭދަފުށީ ލީބިޔާ، ޢުމުރުން 29 އަހަރުގެ އަހްމަދު ޝިމްހާދެވެ.
ފުލުހުންގެ މީޑިޔާ އޮފިޝަލް ވިދާޅުވީ ލަންކާއަށް ދިޔަ ދިވެއްސެއްގެ ޚަބަރު ނުވެގެން، އެކަން އާއިލާގެ ފަރާތުން އިއްޔެގެ ވަގުތެއްގައި ވަނީ ފުލުހުންނަށް ހުށަހަޅާފައި ކަމަށެވެ. އެހެން ނަމަވެސް، މިވަގުތު އިތުރު މަޢުލޫމާތެއް ހާމަކުރެވެން ނެތް ކަމަށް ފުލުހުންގެ މީޑިޔާ އޮފިޝަލް ވިދާޅުވިއެވެ.
އެނގިފައިވާ ގޮތުގައި ޝިމްހާދު ބަލިވެ އުޅުމުގެ ސަބަބުން ބޭސްފަރުވާއަށް މިދިޔަ ހަފްތާގައި ސްޜީލަންކާއަށް ދިޔައީ، މިދިޔަ ހޮނިހިރު ދުވަހު އެނބުރި މާލެ އަންނަ ގޮތަށެވެ. ނަމަވެސް އެދުވަސް ފަހަނައަޅާއި ދިޔަ އިރުވެސް، އޭނާގެ ޚަބަރެއް ވެފައި ނުވާތީ، އޭނާގެ އާއިލާއިން ވަނީ މިކަން ފުލުހުންގެ ސަމާލުކަމަށް ގެނެސްފައެވެ.
އަދި އޭނާ ލަންކާއަށް ދިޔައީ އާއިލާއަށް ނާންގާ ކަމަށާއި، އެހެން ނަމަަވެސް އޭނާ ސްރީލަންކާއަށް ދިޔަ މަޢުލޫމާތު އޭނާގެ ކޮއްކޮއަށް އަންގައިދިނުމަށް އޭނާގެ ރަހުމަތްތެރިއެއްގެ ފަރާތުން އެދިފައިވާ ކަމަށް ބައެއް މިޑީޔާ ތަކުގައި ރިޕޯޓްކޮށްފައި ވެއެވެ.
ޝިމްހާދަކީ، މީހަކާ ކައިވެނިކޮށްގެން، ތުއްތު ކުއްޖެއް ވެސް ހުންނަ މީހެކެވެ.
ރާއްޖެޓީވީ މީހުން އަސްލު ހާދަމޮޅޭދޯ، އެމީހުނަކީ ޙަޤީގަތް ހާމަކުރާބައެއް، ނޯފޭކް، ނޯމަނީ،
ކޮބާ ރާއްޖެ ޓީވީ. އެމީހުނާ ހަވާލުކުރޭ. އެމީހުން ހޯދާނެ