ބ. އަތޮޅު ތައުލީމީ މަރުކަޒުގެ މިއަހަރުގެ ސްކޫލް ކެޕްޓަނަކަށް އެ ސްކޫލުގެ ގްރޭޑް އެގާރައިގައި ކިޔަވާ އިޒުހާތު ޝަމީމު ހޮވައިފި އެވެ.
ބ. އަތޮޅު ތައުލީމީ މަރުކަޒުގެ ޕްރިފެކްޓް ބޯޑަށާއި ކްލަބް އަދި އެސޯސިއޭޝަންގެ މަގާމުތަކަށް ހޮވުނު ދަރިވަރުން އިއުލާން ކުރުމަށް މިރޭ ބޭއްވި ރަސްމިއްޔާތެއްގައި އިއުލާން ކުރިގޮތުގައި ކެޕްޓަން ކަމުގެ މަގާމަށް އިޒުހާތު ހޮވި އިރު ޑެޕިއުޓީ ކެޕްޓަނުގެ މަގާމަށް ގްރޭޑް ދިހައެއްގައި ކިޔަވާ އަޝްހާ އަލީ ވަހީދު ވަނީ ހޮވާފަ އެވެ.
ރަސްމިއްޔާތުގައި ތައުލީމީ މަރުކަޒުގެ ޕްރިފެކްޓް ބޯޑުގެ އިސް މަގާމުތަކަށާއި ހައުސްތަކުގެ މަގާމުތަކަށް ވެސް ވަނީ ދަރިވަރުން ހޮވާފަ އެވެ. އެގޮތުން ސްޕޯޓްސް ކެޕްޓަން އަކަށް އައިމާން ހަބީބު ހޮވިއިރު ޑެޕިއުޓީ ސްޕޯޓްސް ކެޕްޓަންއަކަށް ހޮވާފައިވަނީ އައިމިނަތު ރަޝީދާ އާއި އައިމިނަތު ޝީނީޒް އެވެ. އަދި ރެޑްހައުސް ކެޕްޓަން ކަމަށް ޖޫދާ ހާމިދު، ޔެލޯހައުސް މުހައްމަދު ނަޒީހު އަދި ބްލޫ ހައުސްއަށް ރަޝާ ރިޒާ ހޮވާފައިވާއިރު ވައިލެޓް ހައުސްއަށް ހޮވާފައިވަނީ މަރިޔަމް ނޫރާ އެވެ.
ބ. އަތޮޅު ތައުލީމީ މަރުކަޒުގެ ޕްރިފެކްޓް ބޯޑުގައި 80 ދަރިވަރުން ހުވާކޮށްގެން ތިބިއިރު، މިރޭ ގެ ޖަލްސާގައި އަލަށް ޕްރިފެކްޓުގެ މަގާމު 19 ދަރިވަރަކަށް ދީފައިވެ އެވެ. ދަރިވަރުންނަށް ހުވާލައިދެއްވީ އެ ސްކޫލުގެ ގުރެޖުއޭޓް ލީޑިންގް ޓީޗަރު ޝެއިހު މުހައްމަދު ހަބީބު އެވެ.
މަރުޙާބާ ދޮންތި. ދަރިއެއްގެ ފަރާތުން މައިންބަފައިންނަށް ލިބޭނެ އެތައް އުފަލެއް ޙާޞިލް ކުރަމުންދާތީ ވަރަށް އުފާވޭ. ﷲ އަށް ދުޢާ ދަންނަވަން.