ކެންސަރު ބައްޔަށް ފަރުވާހޯދަމުންދާ ބ. އޭދަފުށީ ހަލީމާހައުސް، ޒައިދު ޢަލީ އަށް އެހީތެރިވުމުގެ ގޮތުން ޑައުން ޓައުންގެ ފަރާތުން އިސްނަގައިގެން މަސައްކަތު ދުވަހެއް ފާހަގަ ކޮށްފިއެވެ.
އިއްޔެ ފާހަގަކުރެވުނު މި މަސައްކަތު ދުވަހުގައި ލިބުނު 10،000 ރުފިޔާގެ އިތުރުން ރަމްޒީ ޗެކެއް ވެސް ވަނީ ޑައުން ޓައުންގެ ފަރާތުން ޒައިދު ޢަލީގެ އާއިލާ އަށް މިރޭވަނީ ހަދިޔާކޮށްދީފަ އެވެ. އާއިލާގެ ފަރާތުން ފައިސާއާ ހަވާލުވީ ޒައިދުގެ މަންމަ އާއި ބައްޕަ އެވެ.
ޑައުން ޓައުންގެ ފަރާތުން މި މަސައްކަތު ދުވަސް އިންތިޒާމުކުރުމުގައި އެންމެ އިސްކޮށް ހަރަކާތްތެރިވި ޖިނާން ހަމީދު ބުނިގޮތުގައި މި މަސައްކަތު ދުވަސް ދިޔައީ ވަރަށް ކާމިޔާބުކޮށް ކަމަށާއި، ރަށުގެ ހުރިހާ ރައްޔިތުންގެ ފަރާތުންވެސް މިކަމުގައި ވަރަށް ބޮޑު އެއްބާރުލުމެއް ލިބުނެވެ. އަދި ޑައުން ޓައުން އަކީ ރަޖިސްޓްރީ ނުކުރާ ކުލަބަކަށް ވެފައި، ރަށުގައި ރަޖިސްޓްރީ ކޮށްފައިވާ ގިނަ ކުލަބް ޖަމިއްޔާތަކެއް އޮންނައިރު އެ ކުލަބުތަކުން މިފަދަ ކަންކަމަށް ކުރިމަގުގައި އިސްނަގާނެކަމަށް އުއްމީދުކުރާ ކަމަށްވެސް ޖިނާން ބުންޏެވެ.
ޑައުން ޓައުންގެ ފަރާތުން މިފަދަ ކަމެއްގައި އިސްނަގައިގެން އެހީތެރިވެދިންކަމަށްޓަކައި ޒައިދުގެ އާއިލާއިން ވަނީ ޑައުން ޓައުން އަށް ވަރަށް ބޮޑަށް ޝުކުރު އަދާކޮށްފަ އެވެ.
އިންޑިއާގެ އާރުސީސީ ހޮސްޕިޓަލުގައި ކެންސަރުގެ ބާވަތެއް ކަމަށްވާ ހޮޖްކިންސް ލިމްފޯމިއާ އަށް ފަރުވާކުރަމުންދާ ޒައިދަކީ ވިލާ ކޮލެޖް އޭދަފުށީ ބްރާންޗުގެ އެޑްމިނިސްޓްރޭޓިވް އޮފިސަރެއްގެ މަގާމް އަދާކުރަމުންދާ މުވައްޒަފެކެވެ.
ހުސެން ރަމީޒު މަސަށްކަުގެ ދުވަހުގެ އިންޗާޖް
ޑައުން ޓައުން އަށް ފާގަތި، ކާމިޔާބު މުސްތަޤުބަލަކަށް އެދެން.. އަދި ވަރަށް ބޮޑަށް ޝުކުރު އަދާކުރަން… ﷲ ގެ މަގުގައި ހޭދަކުރާ އެއްޗަކުން ބަރަކާތް ލައްވާނެ….
މަރުހަބާ!
ޑައުން ޓައުންއަށް ވަރަށް ބޮޑަށް ޝުކުރިއްްްްްްްްްްްްްްްްްްްްްްްްްްޔާާާާާާާާާާާާާ!
ޝުކުރިއްޔާ ޑައުން ޓައުން!!
ޝުކުރިއްޔާ ޑައުން ޓައުން!