ބ. އޭދަފުށީގައި ހިންގަމުން އަންނަ އަމިއްލަ ޤުރްއާން ކުލާހެއް ކަމަށްވާ ދާރުލް ފުރުޤާން ޤުރުއާން މުބާރާތުން ބަލައިގެން ކިޔެވުމުގެ ގޮފިން އެއްވަނަ އިޔާން އަލީ ވަހީދު އަދި ހިތުން ކިޔެވުމުގެ ބައިން އެއްވަން މަރިޔަމް ނައުޝީން ޝަމީމް ހޯދައިފި އެވެ.
19 އަހަރުން ދަށަށް ހުޅުވާލައިގެން މެއި 28-30 އަށް ދާރުލް ފުރްޤާން އިން ބޭއްވި މި މުބާރާތުން ބަލައިގެން ކިޔުމުގެ ބައިން ދެވަނަ އައިޝަތު ޝައިމާއު ހޯދިއިރު، ހިތު ދަސްކުރުމުގެ ބައިން ދެވަނަ ހޯދީ ނުއުމާ މުހައްމަދު އެެވެ. ބަލައިގެން ކިޔެވުމުގެ ބައިން ރާޔާ ރަޝާދު އަށް ތިންވަަނަ ލިބުނުއިރު ނުބަލާ ކިޔުމުގެ ބައިން މުޅި މުބާރާތުން ތިންވަނަ ލިބުނީ އައިޝަތު ޝައިބާ އަށެވެ.
މީގެ އިތުރުންވެސް މުބާރާތުގެ އެކި އުމުރުފުރާތަކުން އެއްވަނަ ދެވަނަ އަދި ތިންވަނަ ހޮވާ ވަނީ އިނާމުދީފަ އެވެ.
މިއީ ދާރުލް ފުރުޤާން ޤުރުއާން ކުލާހުން މި މުބާރާތް ބޭއްވި ތިންވަނަ އަހަރެވެ. މި މުބާރާތުގައި 213 ދަރިވަރުން ވާދަކުރި އެވެ.
މަރުޙަބާ ބައްޕަގެ ލޯބި ކުޑާ. އަބަދުވެސް ހިތްމަތާއިއެކު މަސައްކަތްކޮށް، ކުރިއަށް ދިއުމަށް ހިތްވަރުދެން.