ބ. އަތޮޅު އަނަންތަރާ ކިހަވައް ވިލާސް ރިސޯޓުގައި ލޭ ހަދިޔާ ކުރުމުގެ ކޭމްޕެއް ހިންގައިފި އެވެ.
އައިޖީއެމްއެޗުގެ ބްލަޑު ބޭންކާއި ގުޅިގެން މިއަދު އެ ރިސޯޓުގައި ކުރިއަށް ގެންދިޔަ ކޭމްޕްގައި އެ ރިސޯޓުގެ މުވައްޒަފުންގެ އިތުރުން ކުޑަރިކިލާއި ކެންދޫގެ ބައެއް އާއްމުންވެސް ލޭ ހަދިޔާކުރި އެވެ.
އެ ރިސޯޓުގެ އެޗްއާރު އެގްޒެކެޓިވް އިސްމާއިލް ޝަހީމު ވިދާޅުވީ އަނަންތަރާ މޯލްޑިވްސް ހިންގަމުން އަންނަ މައިނާ ގުރޫޕްގެ ފައުންޑަރ ގެ އުފަންދުވަހާއި ގުޅުވައިގެން މި ކޭމްޕް ބޭއްވުމުގެ ބޭނުމަކީ ރާއްޖޭގެ އެކި ކަންކޮޅުގައި ތިބި ތެލެސީމިއާ ބަލި ކުދިންނަށް އެހީތެރިވެދިނުން ކަމަށެވެ.
އަނަންތަރާއިން ބުނީ އެ ކުންފުނީގެ އިޖުތިމާއީ އަދި އިންސާނީ ޒިންމާގެ ދަށުން، މިދިޔަ އަހަރުން ފެށިގެން ލޭ ހަދިޔާކުރަމުން އަންނަ ކަމަށެވެ.
