ބަހުރައިންގެ ޕޮލިސް އެކަޑަމީގެ ފަރާތުން ރާއްޖޭގެ ހުރިހާ އަތޮޅަކަށް ހަދިޔާކޮށްފައިވާ މުސްޙަފް އަދި ގުރުއާން އިނގިރޭސި ތަރުޖަމާ ބ. އަތޮޅުގެ މިސްކިތްތަކަށް ހަދިޔާކޮށްފި އެވެ.
އޭދަފުށީ ޕޮލިސްޓޭޝަންގައި އިއްޔެ އޮތް ރަސްމިއްޔާތުގައި މުސްޙަފް އަދި އިނގިރޭސި ތަރުޖަމާ އަތޮޅުކައުންސިލާ ޙަވާލުކޮށްދެއްވީ ނޯތު ޕޮލިސް ޑިވިޜަން ކޮމާންޑަރު އިންސްޕެކްޓަރު އޮފް ޕޮލިސް އަބްދުﷲ ނަޞީރު އެވެ. އަތޮޅު ކައުންސިލްގެ ފަރާތުން މި ތަކެއްޗާ ހަވާލުވީ ކައުންސިލްގެ ރައީސް މުޙައްމަދު އާދިލެވެ.
މި ރަސްމިއްޔާތުގައި އޭދަފުށީ ޕޮލިސްޓޭޝަން އިސްވެރިންނާއި އަތޮޅުކައުންސިލްގެ އިސްވެރިން ބައިވެރިވެ ވަޑައިގެންނެވި އެވެ.