މިރޯދަމަހު އެކި ޖަމާއަތުގެ ހަވާލުގައި އުމުރާއަށް ދިޔަ މީހުންގެ ތެރޭގައި އޭދަފުށީގެ 60 އަށް ގިނަ މީހުން ހިމެނެ އެވެ. އެ އެންމެންގެ ހާލުވެސް ރަނގަޅުކަމަށް މައުލޫމާތު ލިބެ އެވެ.
ޒައީމާ ގްރޫޕުގެ ހަވާލުގައި އުމުރާއަށް ގޮސްހުރި އޭދަފުށީ މެޓްރޯވިލާ ނިއުމާ އަހްމަދު “އީޓީ” އަށް ކިޔައިދިން ގޮތުގައި ޒައީމާ ގްރޫޕާއެކު އޭދަފުށީގެ ހުރިހާ އެންމެންގެ ހާލުވެސް ވަރަށް ރަނގަޅެވެ.
“މި ގްރޫޕުން އުމުރާ އަށް އައި ރަށުގެ ހުރިހާ އެންމެންގެ ހާލުވެސް ވަރަށް ރަނގަޅު. މި ގްރޫޕުގައި އުޅޭ ރަށުގެ 35 މީހުން، އޭގެ ތެރޭގައި އަހަރެމެން ފެމެލީގެ 22 މީހުން، ހުރިހާ އެންމެނަށްވެސް ވަރަށް ވަރަށް ސަލާމް،” ނިއުމާ ބުންޏެވެ.
“ހޫނު ވަރަށް ގަދަ. ފިނި ހޫނިމިން އުޅެނީ 45 ޑިގްރީއަށްވުރެ މަތީގައި”
ނިއުމާ ބުނި ގޮތުގައި އުމުރާ ވެރިން މިހާރު ތިބީ މަދީނާގަ އެވެ. އަދި މިއަދު މަދީނާގެ މުހިއްމު ބައެއް ތަންތަނަށް ޒިޔާރަތްކުރުން އޮންނާނެ އެވެ. އަދި އިއްޔެ ވަނީ އުމުރާ ދަތުރުގެ ބައިވެރިން ބަދުރު ހަނގުރާމަ ކުރެއްވި ތަނާއި ޤުބާ މިސްކިތަށްވެސް ޒިޔާރަތް ކޮށްފަ އެވެ.
