ރާއްޖޭގެ މިނިވަން ކަމަށް 50 އަހަރު ފުރުން ފާހަގަ ކުރުމަށް ހިންގާ ހަރަކާތްތަކުގެ ތެރެއިން މިރޭ ބ. އޭދަފުށީގައި ޚާއްސަ މިއުޒިކް ޝޯ އެއް އޮންނާނެ އެވެ.
އޭދަފުށީ ސްޓޭޖް ސަރަހައްދުގައި މިރޭ 9:00 ގައި އެނިމޭޝަން ބޭންޑާއެކު ބާއްވާ މި ޝޯ ގައި ޖަމިއްޔަތުލް ވަފާގެ ހުށަހެޅުންތައްވެސް އޮންނާކަމަށް މައުލޫމާތު ލިބިފައިވެ އެވެ.
މިނިވަން ކަމަށް 50 އަހަރު ފުރުން ފާހަގަ ކުރުމަށް ހިންގާ ހަރަކާތުގެ ދަށުން މިރޭ ބާއްވަން ކުރިން ހަމަޖެއްސި މިނިވަން 50ގެ ޚާއްސަ ސްޓޭޖް ހަރަކާތްތައް އަންނަ ހުކުރު ދުވަހުގެ ރެއަށް ވަނީ ފަސްކޮށްފަ އެވެ.
އޭދަފުށީ ކައުންސިލުން ބުނި ގޮތުގައި މިނިވަން 50 ފާހަގަ ކުރުމަށް އޭދަފުށީ ސްޓޭޖް ސަރަހައްދުގައި ހުކުރު ދުވަހުގެރޭ ބާއްވާ ސްޓޭޖް ހަރަކާތްތަކުގައި ދޮންފަނު ބޮޑު ބެރުގެ އިތުރުން ސްކޫލު ކުދިންނާއި ވަފާ ޖަމިއްޔާގެ އައިޓަމުތައް ހުށަހަޅައިދޭނެ އެވެ.
މިނިވަން 50ގެ ހަރަކާތްތައް އޭދަފުށި ގައި ބާއްވަނީ އޭދަފުށީ ޕޮލިސް ސްޓޭޝަންގެ އިތުރުން ސަރުކާރު/ކުންފުނި ތަކާއި އަދި ރަށުގެ ކްލަބް ޖަމިއްޔާތައް ގުޅިގެންނެވެ.
