ބޮޑުހިލައިގެ ރިވެޓްމަންޓް ޖަހައިގެން ބ. ތުޅާދޫގެ ގޮނޑުދޮަށް ހިމާޔަތް ކުރުމުގެ މަސައްކަތްކުރަން 9.6 މިލިއަންރުފިޔާއަށް ކެޕިޓަލް އިންވެސްޓްމަންޓް ކުންފުންޏާ ހަވާލުކޮށްފި އެވެ.
މި މަސައްކަތް ހަވާލުކުރުމަށް އިއްޔެ އެންވަޔަރަމަންޓް މިނިސްޓްރީގައި އޮތް ރަސްމިއްޔާތުގައި އެ މިނިސްޓްރީގެ ފަރާތުން ސޮއިކުރެއްވީ މިނިސްޓަރު ތާރިގު އިބްރާހީމެވެ. ކެޕިޓަލް އިންވެސްޓްމަންޓް ކުންފުނީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގޑިރެކްޓަރު ސިވަރާޖް މަނިވަންނަން އެވެ.
ތުޅާދޫގައި 355 މީޓަރުގެ ބޮޑުހިލައިގެ ރިވެޓްމަންޓް ޖެހުމަށް އެ ކުންފުންޏާ ހަވާލުކޮށްފައިވަނީ 200 ދުވަހުގެތެރޭގައި މަސައްކަތް ނިންމާގޮތަށެވެ.
މި ރަސްމިއްޔާތުގައި ތުޅާދޫއާއެކު އިތުރުދެރަށެއްގެ ގޮނޑުދޮށް ހިމާޔަތްކުރުމުގެއެއްބަސްވުމުގައި ސޮއިކުރުންވެސް އޮތެވެ. އެއީ ހދ. ކުޅުދުއްފުއްޓާއި ށ. ބިލެތްފައްސެވެ.