ބ. އަތޮޅުގައި ސިއްހީ ދާއިރާގައި މަސައްކަތް ކުރާ އަމާޒުކޮށްގެން އޭދަފުށީގައި ކުދިން ހެދިބޮޑުވުމުގައި ދިމާވާ ބަލިތަކުން ރައްކާތެރިވުމާބެހޭ ބައްދަލުވުމެއް އިއްޔެ ފަށައިފި އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އިންތިޒާމުކޮށްގެން “ވޯކްޝޮޕް އޮން އިންޓަގްރޭޓެޑް މެނޭޖްމަންޓް އޮފް ޗިލްޑްރަންސް އިލްނަސް”ގެ ނަމުގައި އަންނަ ބުރާސްފަތި ދުވަހުގެ ނިޔަލަށް ކުރިއަށް ގެންދާ މި ބައްދަކުވުމުގައި މިއަތޮޅުން 20 މީހަކު ބައިވެރިވެ އެވެ.
މި ބައްދަލުވުމުގައި ފަސް އަހަރުން ދަށުގެ ކުދިން ހެދިބޮޑުވުމުގައި ދިމާވާ ބަލިތަކުން ރައްކާތެރިވުމާށް އެޅިދާނެ ފިޔަވަޅު ތަކާ ގުޅޭގޮތުން ބެހޭ ގޮތުން ބައިވެރިން މަޝްވަރާ ކުރާނެ ކަމަށް އަތޮޅު ހޮސްޕިޓަލުން ބުންޏެވެ.
ބ. އަތޮޅު ހޮސްޕިޓަލުގެ ސެމިނާ ރޫމުގައި ކުރިއަށްދާ މި ބައްދަލުވުމުގައި މައުލޫމާތު ދެއްވަނީ އެޗްޕީއޭގެ ތަޖުރިބާކާރު ބޭފުޅުންނެވެ