ބ. އޭދަފުށީގައި ފެރީ ޓާމިނަލެއް އަޅައިދޭނެ ދޭނެ ފަރާތެއް ހޯދުމަށް އޭދަފުށީ ކައުންސިލުން އަނެއްކާވެސް އިއުލާންކޮށްފި އެވެ.
އޭދަފުށީ ކައުންސިލުން ނެރެފައިވާ އިއުލާނެއްގައި ބުނެފައި ވަނީ އެ ކައުންސިލުންދޭ ކުރެހުމާ އެއްގޮތަށް މިރަށުގައި ފެރީ ޓާމިނަލެއް ހަދައިދޭން ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމުގެ ފުރުސަތު މިމަހުގެ 30 ވަނަ ދުވަހާ ހަމައަށް ދީފައިވާ ކަމަށެވެ.
އެ އިދާރާއިން ބުނީ މިކަމާ ބެހޭ ގޮތުން މައުލޫމާތު ދިނުމަށް އަންނަ ބުރާސްފަތި ދުވަހު 11:30 ގައި ކައުންސިލު އިދާރާގައި ބައްދަލުވުމެއް ބާއްވަން ހަމަޖެހިފައިވާ ކަމަށެވެ. އަދި ބައްދަލުވުމަށް ހާޒިރު ނުވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ނޯންނާނެ ކަމަށް ވެސް ކައުންސިލު އިދާރާއިން ބުންޏެވެ.
އޭދަފުށީގައި ފެރީ ޓާމިނަލެއް ހަދާނެ ފަރާތެއް ހޯދަން އިއުލާން ކުރި އިރު، މީގެ ކުރިންވެސް ދެތިން ފަހަރެއްގެ މަތިން މި މަސައްކަތް ކޮށްދޭނެ ފަރާތެއް ހޯދުމަށް އިއުލާން ކުރި އެވެ.
އޭދަފުށީގައި ފެރީ ޓާމިނަލެއް އެޅުމަށް ބިންގާ އެޅިތާވެސް މިހާރު އަހަރަށްވުރެ ގިނަދުވަސްވަނީ ވެފަ އެވެ.
އޭދަފުށީގެ ކައުންސިލަރުންގެ ނުކުޅެދުންތެރިކަމުން ހުރިހާ ކަމެއްލަސްވަނީ.
ފެރީ ޓާމިނަލް ނޭޅިގެން އުޅެނީ ފައިސާ ނެތިގެންނެއް ނޫން. ރައްޔިތުންނަށް ޖެއްސުން ކުރުމަށް. މިހާރުވެސް ބަޔޯސްފެއާ ރިޒާވުން ވެސް ލައްކަ ޑޮލަރު ދިން. އަދިވެސް ތިބީ ދޭގޮތައް. ދައުރެއް ނިމި އަނެއް ދައުރު ފެށިގެން ދިޔައިރުވެސް އިދާރާއިން ރައްޔިތަކަށް ކޮންދިން ކަމެއް ނެތް. ރައްޔިތުންގެ ކަންކަމުގައި މާލެދަނީ. ނަތީޖާއެއް ނުފެނޭ. އަބަދުވެސް މާލޭގައި…. އަދިވެސް ތަނެއްގައި އެއްލާލައިފައިތިބި ގާތަކެއްވެސް ހޮވައިގެން މިވަރުގެ ބަޔަކު ނެތްކަމަށް ދައްކައިގެން އުޅޭ. ކަންކަމަށް ހަވާލުކުރާ ފައިސާވެސް ހީވާކަހަލަ އަމިއްލަ މިލްކިއްޔާހެން…..
މީގެ ކުރިންވެސް ދެތިން ފަހަރެއްގެ މަތިން މި މަސައްކަތް ކޮށްދޭނެ ފަރާތެއް ހޯދުމަށް ކުރި އިއުލާނުގެ ނަތީޖާ ކޮބައިތޯ؟