ފަސް މީހުންނާއެކު ވެލި ބަރުކޮށްގެން ދަތުރު ކުރަމުންދިޔަ ދޯންޏެއް މިއަތޮޅު އަނަންތަރާ ކިހަވައް ވިލާސް ރިސޯޓް ކައިރިއަށް ބަންޑުން ޖަހާލައިފި އެވެ.
މިއަދު ހަވީރު ހިނގި މި ހާދިސާގައި ބަންޑުން ޖަހާލާފައިވަނީ ރ. އަތޮޅު މަޑުއްވަރީ ދޯންޏެކެވެ.
ފުލުހުން ބުނީ އަނަންތަރާ ކިހަވައް ވިލާސް ރިސޯޓު ކައިރިއަށް ދޯންޏެއް ބަންޑުން ޖަހާލި ކަމުގެ މައުލޫމާތު ފުލުހުންނަށް ލިބިފައިވަނީ މިއަދު 16:20 ހާއިރު ކަމަށެވެ. އަދި މި ދޯނިން ދަތުރު ކުރި އެންމެން ވެސް ސަލާމަތްކޮށްފައިވާ ކަމަށް ފުލުހުންގެ މީޑިއާ އޮފިޝަލް ވިދާޅުވި އެވެ.
“ދޯނި ސަލާމަތް ކުރުމުގެ މަސައްކަތް މިހާރު ކުރަމުން މިދަނީ.” ފުލުހުން ބުންޏެވެ.
މީހުން ސަލާމަތްކުރީ، ފުލުހުންތޯ؟ ނޫނީ އަނަންތަރާ ކިހަވައް ވިލާސް ރިސޯޓް ގެ ދޯންޏަކުންތޯ؟
ޙަޤީޤަތް ހާމަކޮށްދެއްވުން އެދެން.