ފިކްސްޑް ބްރޯޑްބޭންޑް ޕެކޭޖުތަކަށް އެދޭ ފަރާތްތަކަށް އިންޓަނެޓް ގުޅައިދިނުމުގެ ހިދުމަތް ހިލޭ ގުޅައިދޭ ޕްރޮމޯޝަނެއް ދިރާގުން ފަށައިފި އެވެ.
ދިރާގުން ބުނި ގޮތުގައި މި މަހުގެ ނިޔަލަށް ކުރި އަށް ދާ މި ޕްރޮމޯޝަންގައި ރާއްޖޭގެ ކޮންމެ ސަރަހައްދެއްގައި ވެސް ފިކްސްޑް ބްރޯޑްބޭންޑަށް އެދޭ ފަރާތްތަކަށް އިންޓަނެޓް ގުޅައިދިނުމުގެ ހިދުމަތް ހިލޭ ލިބޭނެ އެވެ.
ދިރާގުން ބުނި ގޮތުގައި މި ޕްރޮމޯޝަނުގެ ދަށުން ދިރާގު އޭޑީއެސްއެލް އަދި ފައިބާ ޓު ހޯމްގެ 2އެމް އަންލިމިޓަޑް ޕެކޭޖުން ފެށިގެން ފައިބާ 100އެމް ޕެކޭޖާ އަދި ބިޒްނަސް ޕެކޭޖު އަލަށް ނަގާ ފަރާތްތަކަށް ގުޅައިދިނުމުގެ ހިދުމަތް ހިލޭ ލިބޭނެ އެވެ.
ދިރާގުން ބުނިގޮތުގައި މި ޕްރޮމޯޝަނަކީ އަލަށް ދިރާގުގެ އިންޓަނެޓް ހިދުމަތަށް އެދޭ ފަރާތްތަކަށް ލުއި ކޮށްދިނުމުގެ ގޮތުން ފެށި ޕްރޮމޯޝަނެކެވެ. މި ޕްރޮމޯޝަން ކުރިއަށްދާ މުއްދަތުގައި އަލަށް އިންޓަނެޓް ހިދުމަތަށް އެދި ހުށަހަޅާ ފަރާތްތަކުގެ ފުރަތަމަ ޕޭމަންޓުން ގުޅައިދިނުމަށް ނަގާ ފީ އެއް ނުނަގަ އެވެ،
ދިރާގަކީ ރާއްޖޭގައި އެންމެ ފުޅާ ދާއިރާއެއްގައި އިންޓަނެޓްގެ ހިދުމަތް ދޭ ކުންފުންޏެވެ.