މި ދުވަސްވަރު ރާއްޖޭގެ ކަނޑުގެ ލޮނުގަނޑު ހޫނުވުމުގެ ސަބަބުން ބ. ފުޅަދޫގެ ރީތި މުރަކަ ބަގީޗާ ހުދުވާން ފަށައިފި އެވެ.
ރާއްޖޭގެ ތިމާވެއްޓާ ކަނޑު އަޑީގެ ދިރުންތަކާ ގުޅޭ ގޮތުން މައުލޫމާތު އެއްކޮށް އެ ދިރާސާކުރުމުގެ މަސައްކަތްކުރާ ޖަމިއްޔާއެއް ކަމަށްވާ މެރިން ޖާނަލް މޯލްޑިވްސްއިން ބުނީ މި ދުވަސްވަރު ރާއްޖޭގެ އެކި ސަރަހައްދުތަކުން މުރަކަ ހުދުވުމުގެ ރިޕޯޓުތައް ލިބެމުން އަންނަކަމަށެވެ.
އެގޮތުން ގާ ހުދުވުމުގެ އަލާމާތްތައް ފުޅަދޫގެ ރީތި މުރަކައިގެ (މޮންޓިޕޯރާ) ބަގީޗާއިން ފެންނަން ފަށާފައިވާ އެ ޖަމިއްޔާއިން ބުންޏެވެ.
ފުޅަދޫ މުރަކައިގެ ބަގީޗާ އަކީ ސްނޯކްލިންއަށް ދާ މީހުންނާއި ޓޫރިސްޓުންގެ މެދުގައި ވެސް ވަރަށް މަގުބޫލު ފަރެކެވެ.
މިގޮތުން ރާއްޖޭގެ އެކި ސަރަހައްދުތަކުން ދިރޭ މުރަކަ ނުވަތަ ގާހުދުވުމުގެ ރިޕޯޓްދަނީ ކުރެވެމުންނެވެ. މުރަކަ ހުދުވާން އާއްމުކޮށް ދިމާވަނީ ލޮނުގަނޑު ވަކި މިންވަރަކަށްވުރެން ހޫނުވެ މުރަކަ އެސޮރުމެންނަށް ކާނާހޯދައިދޭ އަލްގީ ކަމަށްވާ ޒޫޒަންތަލީ މުރަކައިން ބޭރުކޮށްލާ ހިސާބުންނެވެ.
— މެރީން ޖަރނަލް މޯލްޑިވްސް (@MarineJournalMV) April 8, 2023
2/3🧵 pic.twitter.com/AeJjTUDXQK
އެ ޖަމިއްޔާއިން ވަނީ މި އަހަރުގެ ފެބްރުއަރީ މަހު 11 ގައި އާއި މިދިޔަ އަންގާރަ ދުވަހު ނަގާފައިވާ ފުޅަދޫގެ މުރަކަ ބަގީޗާގެ ފޮޓޯތަކެއް ވެސް އާންމުކޮށްފަ އެވެ. އެ ފޮޓޯތަކުން، ފުޅަދޫ ފަރުގައި ގާ ހުދުވެފައި ހުރި މިންވަރު އަޅާކިޔެ އެވެ.
ގާ ހުދުވުމަށް މެދުވެރިވާ އެންމެ ބޮޑު ސަބަބަކީ މޫސުމަށް އަންނަ ބަދަލުތަކާ އެކު، އާދަޔާ ހިލާފަށް ދުނިޔެ ހޫނުވުމެވެ.
