ކޮންޓްރެކްޓާ ފައިނޭންސް އުސޫލުން ބ. އޭދަފުށްޓާއެކު އިތުރު ތިން ރަށެއްގެ ބިން ހިއްކައިދޭނެ ފަރާތެއް ހޯދުމަށް ހައުސިން މިނިސްޓްރީން ބީލަމަށް ހުޅުވާލައިފި އެވެ.
އެ މިނިސްޓްރީން ނެރުނު އިއުލާނުގައި ބުނެފައި ވަނީ ކޮންޓްރެކްޓާ ފައިނޭންސް އުސޫލުން ބިން ހިއްކުމަށް ހަމަޖެހިފައި ވަނީ އޭދަފުށީގެ އިތުރުން މ.މުލި، ތ. މަޑިފުށި އަދި ގދ. މަޑަވެލި- ހޯޑެއްދޫ ކަމަށެވެ. އެގޮތުން މި މަޝްރޫއުގެ ދަށުން އޭދަފުށިން 25.79 ހެކްޓަރު ހިއްކަން ޖެހޭ ކަމަށްވެސް ހައުސިން މިނިސްޓްރީން ބުނެފައިވެ އެވެ.
އެ އިއުލާނުގައި ބުނެފައިވާ ގޮތުގައި ހަތަރު ރަށުގެ ބިން ހިއްކުމުގެ މަޝްރޫއަށް ޝައުގުވެރިވާ ފަރާތްތަކުން އެކްސްޕްރެޝަން އޮފް އިންޓަރެސްޓް ހުށަހަޅަން ޖެހެނީ އަންނަ އޭޕްރިލް މަހުގެ 11 ވަނަ ދުވަހު އެވެ.
ކޮންޓްރެކްޓާ ފައިނޭންސް އުސޫލުން މަޝްރޫއުތައް ހިންގަނީ ކޮންޓްރެކްޓަރުގެ އަމިއްލަ ހަރަދުގައި ޕްރޮޖެކްޓް ހިންގުމުން ވަކި މުއްދަތެއްގެ ތެރޭގައި ސަރުކާރުން އަގު އަދާކުރާ ގޮތަށެވެ.
ހައުސިން މިނިސްޓްރީން ބުނެފައި ވަނީ މަޝްރޫއުތަކަށް ކުރިމަތިލާ ފަރާތްތަކަކީ މާލީ ގޮތުން އެފަދަ މަޝްރޫއެއް ހިންގުމުގެ ގާބިލްކަން ލިބިފައިވާ ކުންފުންޏެއްތޯ ބަލާނެ ކަމަށެވެ.
އޭދަފުށީ ބިންހިއްކުމުގެ މަޝްރޫއުއާ ބެހޭގޮތުން ހައުސިންގ މިނިސްޓްރީގެ ޓީމެއް މިދިޔަ ހަފްތާގައި މިރަށަށް ވަޑައިގެން އެ މަޝްރޫއު ފެށުމުގެ ކުރިން އެކަމާ ބެހޭގޮތުން ރައްޔިތުންގެ ހިޔާލު ހޯދުމުގެ ބައްދަލުވުމެއްވަނީ ބާއްވައިފިއެވެ. އެ ބައްދަލުވުމުގައި ހައުސިން މިނިސްޓްރީގެ ބޭފުޅުން ވިދާޅުވީ އޭދަފުށީ ބިންހިއްކުމުގެ މަޝްރޫއު ފެށުމަށް އީއައިއޭ ރިޕޯޓް ހެދުމަށް މިހާރު ބަޔަކާ ހަވާލުކުރެވިފައިވާ ކަމަށާއި އޭޕްރިލް މަހުތެރޭ އީއައިއޭ ހައްދަވާ ބޭފުޅުން މިރަށަށް ވަޑައިގެން އެކަމުގެ ދިރާސާތައް ކުރައްވަން ފައްޓަވާނެ ކަމަށެވެ.
އޭދަފުށި ހިއްކަން ތިއުޅެނީ 2013 ގެ ކެމްޕެއިނަށްކަން ޔަޤީން. އޭދަފުށި މީހުންނަކީ އެގޮތަށް ވިކިދާނެ ބައެއްކމަކަށް ނުދެކެން. އެމީހުންނަކީ ފުދިގެން އުޅެ ބައެއްކަން ރާއްޖޭގެ ރައްޔިތުންނަށްވެސް އެކަން އެގޭނެ. ބުނާހާ ބަހަކަށް ހެއްލޭނެ ބައެއްނޫން. ސިޔާސީ ކަންކަމާ ވަރަށް ދުރުވާނެ. ތަޅާ ފޮޅައެއް ނުހަދާނެ . އެއަށްވުރެ މާ ހަމަޖެހޭ ބައެއް. ވިސްނުން ރަގަޅުވާނެ. އެކަން އޭދަފުއްޓަށް ދާމީހަކަށް އެގޭނެ//////////////////
އައްނި އަށް ވާނެ.!
ކީކޭ މިކިޔަނީ… ނުވަނޏާވެސް ހުއްޓާލާފަ ނިކަން އައްނި އާ ހަވާލުކޮށްބަލަ… އޭރުން ނިދައިފަ ހޭލާއިރު އޮންނާނީ ބިންހިއްކާ ނިމިފަ…
ފުރަތަމަ އީޓީގަ އިނީ 22 ހެކްޓަރ ހިއްކަން ހަމަޖެހިފަ އޮތްކަމަށް އޭގެ ފަހުން 12 ހެކްޓަރަށް ކުޑަވާހަކަ އަޑުއެހިން ދެން މިއަދު މި އަޑުއިވުނީ ހިިއްކަން ހަމަޖެހިފައިވަނީ 25.79 ހެކްޓަރ އޭ ކިހިނެއް މިވަނީ!!
“ބިންހިއްކުމުގެ މަޝްރޫއުގެ ޕްލޭނާ ބެހޭގޮތުން މައުލޫމާތު ދެއްވި ހައުސިން މިނިސްޓްރީގެ ބޭފުޅުން މިއަދު ވިދާޅުވީ އޭދަފުށީ ފަޅުން ހިއްކުމަށް ނިންމާފައިވަނީ 12 ހެކްޓަރު ނަމަވެސް އެއަށްވުރެ އިތުރުކުރެވޭތޯބެލުމަށް އީއައިއޭ ރިޕޯޓް ހައްދަވާ ބޭފުޅުންނަށް ދަންނަވާފައިވާނެ ކަމަށެވެ.” މިއީ ކުރިން އީޓީ ގަ ޖަހާފައިވާ އާރޓީކަލްއެއް މީގެ ހަފްތާއެއް ކުރިން. އޭރު 12 ހެކްޓަރު ކަމަށް.
އެކަމަކު މިއަދު މިނޫހުގައި ޖަހާފައި މިވަނީ 25 ހެކްޓަރު ކަމަށް.
“އެ މިނިސްޓްރީން ނެރުނު އިއުލާނުގައި ބުނެފައި ވަނީ ކޮންޓްރެކްޓާ ފައިނޭންސް އުސޫލުން ބިން ހިއްކުމަށް ހަމަޖެހިފައި ވަނީ އޭދަފުށީގެ އިތުރުން މ.މުލި، ތ. މަޑިފުށި އަދި ގދ. މަޑަވެލި- ހޯޑެއްދޫ ކަމަށެވެ. އެގޮތުން މި މަޝްރޫއުގެ ދަށުން އޭދަފުށިން 25.79 ހެކްޓަރު ހިއްކަން ޖެހޭ ކަމަށްވެސް ހައުސިން މިނިސްޓްރީން ބުނެފައިވެ އެވެ”
ކިހިނެއްބާ މިވަނީ؟؟؟؟؟ އީޓީ އިން މިކަން ސާފު ކޮށްދެއްވުން އެދެން. އެބޭފުޅުން ކިޔާ އެއްޗެއް ދިމާ ނުވަނީތޯ. ؟؟؟
thikan Vaane Ba