ބ. ދޮންފަނުގައި މިއަހަރުގެ ވޯލްޑް މަންޓާ ޑޭ ފާހަގަކޮށްފިއެވެ.
މަންތި ޓްރަސްޓް އިން އިންތިޒާމުކޮށްގެން މި ހަރަކާތް ކުރިއަށް ގެންގޮސްފައިވަނީ ދޮންފަނު ކައުންސިލް، މޯލްޑިވްސް ވޭލް ޝާކް ރިސާޗް ޕްރޮގްރާމާއި ރީފްސްކޭޕަސް އަދި ބ. އަތޮޅު ބަޔޯސްފިއާ ރިޒާވް އޮފީހުސް ގުޅިގެންނެވެ.
ވޯލްޑް މަންޓާ ޑޭ ފާހަގަ ކުރުމަށް މިއަދު ހަވީރު ދޮންފަނު ތިން ރުއް ޕާކުގައި ބޭއްވި ހަރަކާތްތަކުގެ ތެރޭގައި މަންތާ ރޭތަކާއެކު ވާރޗުއަލް ފީނުމުގެ ތަޖުރިބާއެއް ހިމެނުނެވެ. މީގެ އިތުރުން، ދޮންފަނު ސްކޫލްގެ ދަރިވަރުންނަށް ވެލީގައި ކުރެހުމުގެ މުބާރާތެއް ބޭއްވުނެވެ.
މީގެ އިތުރުން ހަރަކާތުގެ ބައިވެރިންނަށް މޫނުގައި ކުލަ ޖެހުމުގެ ފުރުޞަތު ލިބުނެވެ. މީގެ އިތުރުންވެސް އެކި ބާވަތުގެ މަޖާ ހަރަކާތްތައް ކުރިއަށް ގެންދިޔަ އެވެ.
ވޯލްޑް މަންޓާ ޑޭއަކީ ކޮންމެ އަހަރެއްގެ ސެޕްޓެމްބަރު 17 ވަނަ ދުވަހު ދުނިޔޭގެ އެކި ކަންކޮޅުތަކުގައި ފާހަގަކުރާ ދުވަހެކެވެ. މި ދުވަހުގެ މަގްސަދަކީ މަންޓާ ރޭގެ މުހިންމުކަމާއި އެ ދިރޭތަކެތި ރައްކާތެރިކުރުމުގެ މުހިންމުކަން ހާމަކޮށްދިނުމެވެ.
