ނައިންޓީ ޕްލަސް ގޯލްޑް ކަޕް 2024 ފައިނަލް ކާމިޔާބުކޮށް ރާއްޖޭގެ ފުޓްބޯޅައިގެ ރަސްކަން ހޯދަން އޭދަފުއްޓާއި އައްޑޫ ސިޓީ މިރޭ ނުކުންނާނެ އެވެ.
ފޯރިގަދަ ފައިނަލަށް މުޅި ގައުމު ތައްޔާރުވާއިރު، މައުލޫމާތު ލިބިފައިވާ ގޮތުގައި މެޗު ޝަރަފްވެރިކޮށްދެއްވާނީ ރާއްޖޭގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެވެ.
ފައިނަލް މެޗުގެ ވާދަވެރިކަން މިހާރުވެސް ވަނީ ފެށިފަ އެވެ. ސޯޝަލް މީޑިއާގެ ޕޯސްޓްތަކުންނާއި، ދެރަށުގެ ސަޕޯޓަރުންގެ މެދުގައި ބަދަލުކުރަމުންދާ ވާހަކަތަކުން މެޗުގެ ފޯރި އަންދާޒާ ކޮށްލެވެ އެވެ. އަދި، ދެޓީމަށް ޓިކެޓް ވިއްކުމުގައި ތަފާތުކުރުމެއް ގެންގުޅުނު ކަމަށްބުނެ ސޯޝަލް މީޑިއާގައި އައްޑޫ ސިޓީގެ ބައެއް ސަޕޯޓަރުން އަންނަނީ ފާޑުކިޔަމުންނެވެ.
މެޗަށް ތައްޔާރުވުމުގެ ގޮތުން ދެރަށުގެ ސަޕޯޓަރުންވެސް އަންނަނީ ވަރަށް ފޯރީގައި ތައްޔާރުވަމުންނެވެ. އަދި، އޭދަފުށިންނާއި އައްޑޫ އިން ސަޕޯޓަރުން މާލެ ގެންދިއުމަށް ހާއްސަ ގޮތްތަކެއް ވަނީ ފަހިކޮށްދީފަ އެވެ. އޭދަފުށިން ގާތްގަނޑަކަށް 500 އެއްހާ ސަޕޯޓަރުން މިއަދު މާލެ ދާއިރު އައްޑޫ އިން ވަނީ މެޗު ބަލަންދާން މޯލްޑިވިއަންގެ ހާއްސަ ފްލައިޓެއް ހަމަޖައްސައިފަ އެވެ.
Dhe rah nukiyaa Sitee akaai rasheh