ބ. އޭދަފުށީގައި ކުޅިވަރު ސާމާނު ވިއްކާ އެންމެ ޒަމާނީ ފިހާރަ ކަމަށްވާ “ބޫޓް ރޫމް” އައުޓް ލެޓްގެ ފުރަތަމ ފިހާރަ ރަސްމީކޮށް ހުޅުވައިފިއެވެ.
މި ފިހާރަ ބޮޑަށް ޚާއްސަކޮށްފައިވަނީ ފެންވަރު ރަނގަޅު ބޫޓު ވިއްކުމަށް ކަމަށްވާއިރު، މި ފިހާރަ ހުންނަނީ އޭދަފުށީ ފެރީ ޓާމިނަލްގް ގްރައުންޑް ފްލޯގަ އެވެ.
ބޫޓު ވިއްކުމަށް އިސްކަންދީފައިވީ ނަމަވެސް، ފުޓްބޯޅަ ކުޅޭ ފަރާތްތަކަށް ބޭނުންވާ އެހެނިހެން ސާމާނު ވެސް ބޫޓް ރޫމުން ލިބެން ހުރެއެވެ. އެގޮތުން، ފުޓްބޯޅަ ޖާޒީއާއި ބޯޅައިގެ އިތުރުން، ކުޅިވަރާއި ގުޅުންހުރި އެކި ސާމާނު ވެސް ވިއްކުމަށް ހަމަޖެހިފައިވެއެވެ.
ފިހާރައިގެ އޯނަރު މުހައްމަދު ޝަރީފް ވިދާޅުވީ، ކުޅިވަރު ސާމާނުގެ ފެންވަރު ރަނގަޅުކޮށް، ކަސްޓަމަރުންނަށް އެންމެ ފަސޭހަ ގޮތްތައް ހޯދައިދިނުމަށް އިސްކަންދޭނެ ކަމަށެވެ.
“މިއީ އޭދަފުށި، ޒަމާނުއްސުރެ ކުދި ބޮޑު އެންމެން ފުޓުބޯޅައަށް ވަރަށް ލޯބިކުރާ ރަށެއް. މިރަށުގައި ރާއްޖޭގައި މިވަގުތު ހުރި އެންމެ ފުރިހަމަ ފުޓުބޯޅަ ސްޓޭޑިއަމް ހުރީ. އަދި ޖާޒީ ޑިޒައިންކޮށް ފަހާ ހަދާ ޒަމާނީ ފެންވަރުގެ ފެކްޓްރީއެއްވެސް އެބަހުރި. މިފަދަ ފަސްގަނޑެއްގައި ކުޅިވަރަށް ހާއްސަ ފިހާރައެއް ހުރުމަކީ މުހިންމު ކަމެއް. ޤައުމީ ފެންވަރުގެ ތަރިން އަބަދުވެސް އުފެދެމުންދާ މިފަދަ ރަށެއްގައި، މިފަދަ ފިހާރައެއް ހުޅުވުމަކީ އަރަމުން އަންނަ ކުޅުންތެރިންނަށްވެސް ވަރަށް ބޮޑު އެހީތެރިކަމެއް ލިބިގެންދާނެ ކަމެއް,”
ޝަރީފު ވިދާޅުވީ، މުޅި ރާއްޖެއަށް އޮންލައިންކޮށް ޑެލިވަރީގެ ހިދުމަތް ދެމުން އައިސް، މިރަށުގައި މި ފިހާރައިގެ ފުރަތަމަ އައުޓްލެޓް ޒަމާނީ ފެންވަރެއްގައި ހުޅުވުން އެއީ ވަރަށް ބޮޑަށް ބޭނުންވި ކަމެއް ކަމަށެވެ.
“އެހެންވެ މިހުރީ ވަރަށް ހިތްހަމަ ޖެހިފައި”
ބޫޓް ރޫމްގެ އިންޓީރިއާ ޑިޒައިން ވަނީ ވަރަށް ރީތިކޮށް، ޒަމާނީ ފެންވަރަށް ތައްޔާރުކޮށްފައެވެ. މިހާރުވެސް ގިނަ ބައެއްގެ ސަމާލުކަން މި ފިހާރައަށް ލިބެމުންދާއިރު، އޭދަފުށީގެ ކުޅިވަރުގެ މާހައުލަށް މިއީ އިތުރު އާދިރުމެއް ގެނެސްދޭނެ ފިހާރައެއް ކަމަށް ގިނަ ބަޔަކު ދަނީ ބުނަމުންނެވެ.
މި ފިހާރަ ހުޅުވުމަކީ ރަށުގެ ކުޅިވަރު އެކި ފަރާތްތަކަށް ލިބިގެންދިޔަ ވަރަށް ބޮޑު ހިތްހަމަޖެހުމެކެވެ.
އޭދަފުއްޓަކީ ކުޅިވަރުގެ ކާމިޔާބު ތާރީޚެއް އޮތް ރަށެކެވެ. މީގެ ކުރިންވެސް ކުޅިވަރަށް ޚާއްސަކުރެވުނު ވިޔަފާރިތައް އޭދަފުށީގައި ހިންގާފައިވީ ނަމަވެސް، ބޫޓް ރޫމަކީ އެންމެ ޒަމާނީ ފެންވަރަށް ކުޅިވަރަށް ޚާއްސަކޮށްގެން ހުޅުވުނު ފިހާރައެވެ.
