މަސްތުވާތަކެތީގެ މައްސަލައެއްގައި ބ. އޭދަފުށިން ތިން މީހަކު މިއަދު ހައްޔަރުކޮށްފި އެވެ.
ފުލުހުން ބުނީ ބ. އޭދަފުށީ ޕޮލިސް ސްޓޭޝަންގައި މަސައްކަތްކުރާ ފުލުހުން މިއަދު ހެނދުނު އޭދަފުށީގައި ހިންގި އޮޕަރޭޝަނެއްގައި މި މައްސަލާއާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ 20 އަހަރުގެ ފިރިހެނަކާއި 24 އަހަރުގެ ފިރިހެނަކާއި އަދި 30 އަހަރުގެ ފިރިހެނެއް ކަމަށެވެ. ނަމަވެސް އެމީހުންގެ ނަމެއް ފުލުހުން ހާމައެއް ނުކުރެއެވެ.
އީޓީ އަށް އެނގިފައިވާ ގޮތުގައި މި މައްސަލައިގައި ފުލުހުން ހައްޔަރުކޮށްފައިވަނީ އޭދަފުށީ ތިން މީހެކެވެ.
ފުލުހުން ބުނީ މި އޮޕަރޭޝަންގައި ބ. އޭދަފުށީގެ ދެ ގެއެއް ބަލައިފާސްކޮށް މަސްތުވާތަކެތިކަމަށް ޝައްކުކުރެވޭ އެއްޗެއްހުރި ސެލޯފިންކޮޅުތަކަކާއި ފިލްމް ހުސްކުރި ދަޅެއް ފެނިފައިވާ ކަމަށެވެ.
“މަސްތުވާތަކެތިކަމަށް ޝައްކުކުރެވޭ އެއްޗެއްހުރި ސެލޯފިންކޮޅުތަކާއި ފިލްމް ހުސްކުރި ދަޅުގެ ތެރެއިން 2 ސެލޯފިންކޮޅު ފެނިފައިވަނީ މިއަދު ހެނދުނު 06:30 ހާއިރު ބަލައިފާސްކުރި ގެއެއްގެ ތެރެއިންނެވެ. އަދި 15 ސެލޯފިންކޮޅާއި ފިލްމް ހުސްކުރި ދަޅު ފެނިފައިވަނީ މިއަދު ހެނދުނު 07:45 ގައި ބަލައިފާސްކުރި ގެއެއްގެ ތެރެއިންނެވެ.” ފުލުހުންގެ ވެބްސައިގައި ވެ އެވެ.
ފުލުހުން ބުނިގޮތުގައި އޭދަފުށި ޕޮލިސް ސްޓޭޝަނުން ހިންގި މި އޮޕަރޭޝަނަކީ ފުލުހުންގެ މިއަހަރުގެ ބިޒްނަސް ޕްލޭންގައިވާ ލަނޑުދަނޑިތަކުގެ ތެރެއިން ކުށްކުރުމާ ދެކޮޅަށް މަސައްކަތްކުރުމާއި މަސްތުވާތަކެތީގެ ވިޔަފާރިކުރުމާއި ޓެރަަރިޒަމާއި އިންސާނުން ޓްރެފިކް ކުރުން ފަދަ ޤައުމީ ސަލާމަތަށް ހުރި ނުރައްކާތަކާ ދެކޮޅަށް ހަރަކާތްތެރިވުމުގެ ލަނޑުދަނޑިއަށް ވާސިލްވުމަށް ފުލުހުން ކުރަމުންދާ މަސައްކަތްތަކުގެ ތެރެއިން ހިންގި ކާމިޔާބު އޮޕަރޭޝަނެކެވެ.
އޭދަފުށީ ޕޮލިސް ސްޓޭޝަނުން މި މައްސަލަ މިހާރު އަންނަނީ އިތުރަށް ތަހުގީގުކުރަމުންނެވެ.
ރަށުގައި ނެތީތަ އެމީހުން ހައްޔަރުކުރިއިރު ފެނުނު ބައެއް؟ ފެނުނު ބައެއް އީޓީ އަށް ހައްޔަރުކުރެވުނު މީހުންގެ ނަން ހިއްސާކޮށްލިނަމަ….
ޕީޕީއެމް އަށް ސަޕޯޓް ކުރާ ބައެއްގެ ގެވީމާ ނަންހާމަނުކުރަނީ.
ތިމީހޫން ދޫކޮށްލާނެ ހައެއްކަ ދުވަސް ވީމަ
ހަބަރަކަށް ނުވެދޯ..ކާކު ކަމެއް..ކޮން ތަނެއްގައި ކަމެއް..ގިނައީ ސާފު ނުވާކަންތައް…