ބ. އެޓޯލް ފުޓްބޯލް ޗެލެންޖުގައި ބައިވެރިވާ ގޮއިދޫ ފުޓްބޯޅަ ޓީމާއި އަތޮޅު މުބާރާތުގައި ބައިވެރިވާ ބަށި ޓީމުގެ ސްކޮޑް އެކުލަވާލައިފި އެވެ.
އެކަމަށް ހާއްސަ ކުރެވިގެން ރޭ ގޮއިދޫ ޕްރީ ސްކޫލްގައި ކުރިއަށް ގެންދިޔަ ހަފްލާއެއްގައި ބަށި ޓީމާއި، ފުޓްބޯޅަ ޓީމުގެ ކުޅުންތެރިންގެ ނަންތައް އިއުލާން ކުރުމާއި، ފުޓްބޯޅަ ޓީމްގެ ކޯޗާއި، ކެޕްޓަންގެ އިތުރުން ވައިސް ކެޕްޓަންވެސް ވަނީ ހަމަޖައްސާފައެވެ. މީގެ އިތުރުން ފުޓްބޯޅަ ޓީމުގެ ކުޅުންތެރިންނަށް ޖޯޒީ ނަމްބަރު ދިނުންވެސް މި ހަފްލާގައި ވަނީ ކުރިއަށް ގެންގޮސްފަ އެވެ.
2012 ވަނަ އަހަރު މުބާރާތުގެ ތަށި ހޯދީ ގޮއިދޫ ޓީމުގައި މިފަހަރުވެސް މާޒިޔާގެ ކީޕަރ މުޙައްމަދު އިމްރާން ހިމަނާފައިވެ އެވެ.
އިމްރާންގެ އިތުރުން އެއްވަނަ ޑިވިޝަނަށް ކުޅޭ އިތުރު ކުޅުންތެރިއަކު ޓީމުގައި ހިމަނާފައެއް ނުވެ އެވެ. މީގެ އިތުރުން މިދިޔަ އަހަރު އޭދަފުށީ ޓީމަށް ކުޅުނު ހުނަރުވެރި ދެކުޅުންތެރިން ކަމަށްވާ ޢަބްދުލް މަޖީދު އިބްރާހިމް (މަޖިއްޓޭ) އާއި އިޝާން އިބްރާހިމް (ސައްޓު) ވެސް ޓީމުގެ ސްކޮޑްގައި ހިމަނާފައިވެ އެވެ. 2012 ވަނަ އަހަރުގެ މުބާރާތުގައިވެސް މަޖިއްޓޭ ވަނީ ގޮއިދޫއަށް ކުޅެފަ އެވެ.
މިފަހަރުވެސް ޓީމްގެ ކެޕްޓަނަކަށް ހަމަޖައްސާފައިވަނީ ކުރިން ދެއަހަރުވެސް އެ މަޤާމް ފުރި އާދަމް ނިޒާމް (ކިތުނާ) އެވެ. އަދި ވައިސް ކެޕްޓަނެއްގެ ގޮތުގައި ހަމަޖައްސާފައި ވަނީ އިބްރާހިމް މާޖިދު އެވެ. ޓީމުގެ ކޯޗެއްގެ ގޮތުގައި ހަމަޖައްސާފައިވަނީ ބީޖީ ސްޕޯޓްސްގެ ކޯޗް މުޙައްމަދު އިޤްބާލު އެވެ.
ގޮއިދޫ ޓީމްގެ މެނޭޖަރު “އީޓީ” އާ ވާހަކަދައްކަމުން ބުނީ ކޯޗު އަދި ޓީމާއި ނުގުޅޭކަމަށާއި، އޭނާ ޓީމާއި ހަވާލުވާނީ މިމަހުގެ 15 ހިސާބުގައި ކަމަށެވެ.
މުޅި އަތޮޅަށް ހުޅުވާލައިގެން އަތޮޅު ކައުންސިލުން ބާއްވާ ބަށި މުބާރާތް ފެށުމަށް ހަމަޖެހިފައިވަނީ މިމަހުގެ 22 ގައެވެ. އަދި އެޓޯލް ފުޓްބޯލް ޗެލެންޖް ފެށުމަށް ހަމަޖެހިފައިވަނީ މިމަހު 29 ގައެވެ.
އަވަހަށް ނުކުޅެނީސް 2 ތަށިވެސް ހިފައިގެންދޭ
ގޮއިދޫ ރައްޔިތުންގެ އުންމީދުތައް ގުޅިފައިވަނީ މިކުޅިންތެރިންނާއިއެކު…
ގޮއިދޫ ޓީމުން ކުޅުންތެރިންގެ ހުނަރުބަލައި ކުޅުންތެރިންގެ އަގުވަޒަންކުރަނީ. އެންމެފަހު މުބާރާތުގައި އޭދަފުށިޓީމު ތަށިނެގީ ހުސް އޭދަފުށި ކުޅުންތެރިން ކުޅެގެނެއްނޫން. އޭދަފުށި ކުޅުންތެރިން އޭދަފުއްޓަށް ނުކުޅެ ގޮއިދޫ ޓީމަށް ކުޅެނީ ކޮންމެވެސް ސަބަބަކާހުރެދޯ.
ކިހާދޫ ޓީމް ޕްރެކްޓިސް މެޗްގައި ބޮޑުތަފާތަކުން ގޮއިދޫ އަތުން ބަލިވުމަކީ ހެޔޮފާލެއް…
ކުރިންފަހަރު ގޮއިދޫ ޓީމް މީހުން މާ ފޮނިވީ 2012 މޮޅުވީމަ…. ދެން މިފަހަރު ފޮނިނުވަށްޗޭ…. އޭރުން މޮޅު ވެދާނެ….. ހިހިހިހީހީހީހީހީ…………. ގުޑް ލަކް ދެން……
ތި ގޮއިދޫ އަށް ހަމަ އޭދަފުށީ ކުޅުންތެރިން ނުލާ ތިކަމެއް ނުވާނެ
މަރުހަބާ . އިރާދަކުުރިއްޔާ މިފަހަރު ތި 2 މުބާރަތުގެ ޗެމްޕިއަންކަން ގޮއިދޫ ގެންނާނެ.