ބ. އަތޮޅު ކައުންސިލު އިދާރާގައި މިހާރު ބޭނުން ކުރާ ވެބްސައިޓަށް ޒަމާނީ ގިނަ ބަދަލުތައް ގެނެސް އާ ވެބްސައިޓެއް މިއަދު ލޯންޗްކޮށްފި އެވެ.
އަތޮޅު ކައުންސިލުން ބާއްވާ ބަށި މުބާރާތް ހުޅުވުމަށް އޭދަފުށީ ސްޓޭޖް ސަރަހައްދުގައި މިއަދު މެންދުރުފަހު ބޭއްވި ރަސްމިއްޔާތެއްގައި އާ ވެބްސައިޓް ލޯންޗް ކޮށްދެއްވީ ބ. އަތޮޅު ކައުންސިލު އިދާރާގެ ރައީސް މުހައްމަދު އާދިލު އެވެ.
ބ. އަތޮޅު ކައުންސިލުން މިފަހަރު ތައާރަފުކޮށްފައިވާ އާ ވެބްސައިޓްގައި ކައުންސިލުން ނިންމާ ނިންމުންތަކާއި އިއުލާންތަކާއި ހަބަރުތަކާއި ކައުންސިލް އިދާރާގެ އެކިއެކި ޑިޕާޓްމަންޓުން ލިބޭ ހިދުމަތްތަކާ ބެހޭ މައުލޫމާތު ހިމަނާފައިވެ އެވެ. އަދި އަތޮޅުގެ ރަށްރަށުގެ މައުލޫމާތާއި ޚަބަރު އަދި ކައުންސިލު ތަކުގެ އިއުލާންތައް ފަސޭހައިން ޑައުންލޯޑު ކުރެެވެން ހުރިއިރު، އަތޮޅުގެ ރަށްރަށާއި ބެހޭ އެންމެ ފަހުގެ ހަބަރާއި މައުލޫމާތު ވެސް ފަސޭހަކަމާއެކު އާ ވެބްސައިޓުން ލިބެން ހުރެ އެވެ.
ކައުންސިލުން ބުނީ އާ ވެބްސައިޓްގެ ލޯންޗު ކުރުމާއެކު އާންމުންނަށް މިހާރަށް ވުރެ ބޮޑަށް ކައުންސިލްގެ މަސައްކަތްތަކާ ބެހޭ ގޮތުން މައުލޫމާތު ފޯރުކޮށްދެވޭނެ ކަމަށް ގަބޫލްކުރާ ކަމަށެވެ.
ބ. އަތޮޅު ކައުންސިލުގެ އާ ވެބްސައިޓްގެ އެޑްރެހަކީ، ކުރިން ވެސް އެ އިދާރާގެ ވެބްސައިޓް އެޑްރެސް ކަމަށްވާ، ބާ ޑޮޓް ގައު ޑޮޓްއެމްވީ އެވެ.
އަތޮޅުގެ ވެރިރަށް އޭދަފުށި ނޫން އެހެން ހުރިހާ ރަށެއްގެ ވެސް ވަރަށް ފުރހަމަ މައުލޫމާތު އެބަހުރި. މިއިންވެސް އެނގެނީ އޭދަފުށީ ކައުންސިލުގެ ނާގާބިލުކަން. އިސްތިއުފާ