މިއަދު ހެނދުނު އައި ބާރުގަދަ ވިލާގަޑެއްގައި، ވައި ގަދަވެ އޭދަފުށީ ދެކުނު ފަރާތުގެ ފަޅުތެރޭގައި އަޅާފައި އޮތް ދޯންޏެއް ގޮނޑުދޮށަށް ލައްގައިފި އެވެ.
ރަށުގެ ދެކުނު ފަރާތުގެ ހިއްކި ސަރައްދުގެ ގޮނޑުދޮށަށް ލައްގާފައިވަނީ މިރަށު ކިނިބިގަސްދޮށުގޭ އިބްރާހިމް އަބޫބަކުރުގެ ވަދު ދޯންޏެވެ. ދޯނި ލެއްގީ ފަޅުތެރޭގައި އަޅާފައި އޮއްވައި އައި ބާރުގަދަ ވިލާގަނޑެއްގައި ދޯނީގެ ނަގިލި ކަހާލައިގެން ކަމަށްވެ އެވެ.
އިންޖީނު ނަގާ ފަޅުތެރޭގައި އަޅާފައިއޮތް އެ ދޯނި ގޮނޑު ދޮށަށް ލައްގާފައި އޮތްކަން އެނގުނުއިރު ދޯންޏަށް އޮތީ ގިނަ އަދަކަށް ވެލި އަރައި އަޑިއަށް ގޮސްފަ އެވެ.
ރަށުގެ ގިނަ އަދަދެއްގެ އާއްމުން ނުކުމެ ދޯނި މިހާރުވަނީ އެއްގަމަށް އެހެލާފަ އެވެ.