ބ. އޭދަފުށީ ކައުންސިލުން ރަށު ފެންވަރުގައި ބާއްވާ ގުރުއާން މުބާރާތް މިއަދު ފަށައިފި އެވެ.
އޭދަފުށީ މަލްޓިޕާޕަސް ހޯލުގައި މިއަދު ހަވީރު ފެށި މި މުބާރާތުގެ ފުރަތަމަ ދަންފަޅީގައި 9 ދަރިވަރަކު ވަނީ ކިޔަވާފަ އެވެ. މުބާރާތުގެ ކިޔެވުން މިރެއާއި މާދަމާ ހެނދުނާއި މެންދުރުފަހުވެސް ކުރިއަށްދާނެ އެވެ.
މި މުބާރާތަކީ ރަށު ކައުންސިލުން ބުނި ގޮތުގައި މިއަހަރުގެ ގުރުއާން ކިޔެވުމުގެ ގައުމީ މުބާރާތަށް ދަރިވަރުން ހޮވުމަށްޓަކައި ބާއްވާ އަތޮޅު މުބާރާތުގައި ތަމްސީލުކުރާނެ ދަރިވަރުން ހޮވުމަށް ބާއްވާ މުބާރާތެކެވެ.
މި ރަށުގައި ހިންގާ ސްކޫލް ތަކަށާއި ގުރުއާން ކްލާސް ތަކަށް ހުޅުވާލައިގެން ބާއްވާ މި މުބާރާތުގައި ތައުލީމީ މަރުކަޒުގެ އިތުރުން ބަހިއްޔާ ޕްރީ ސްކޫލުންނާއި ގުރުއާން ކްލާސްތަކުން 52 ދަރިވަރުން ވާދަކުރެ އެވެ.