މިއަހަރުގެ ބައިނަލްއަގުވާމީ އަންހެނުންގެ ދުވަހާ ގުޅިގެން އަންހެނުންގެ ކުޅިވަރު ހަވީރެއް މިއަދު ބާއްވައިފި އެވެ.
އޭދަފުށީ އަންހެނުންގެ ތަރައްގީއަށް މަސައްކަތް ކުރާ ކޮމެޓީން އިންތިޒާމުކޮށްގެން، ފުޓްބޯޅަ ދަނޑު ސަރަހައްދުގައި ބޭއްވި މި ހަވީރުގައި ގިނަ އަދަދެއްގެ އަންހެނުން ބައިވެރިވި އެވެ. ތަފާތު ކުޅިވަރު ހަރަކާތްތަކާ އެކު ކުރިއަށް ގެންދިޔަ މި ހަވީރު އެރޯބިކްސް، ބަށި، އަންހެންނުގެ ފުޓްބޯޅަ އަދި ތިންމުގޯލި ފަދަ ކުޅިވަރުތައް ބޭއްވި އެވެ.
އަންހެނުންގެ ކޮމެޓިގެ ރައީސާ އައިޝަތު ހުސައިން ވިދާޅުވި ގޮތުގައި އަންހެނުންގެ ކުޅިވަރު ހަވީރެއް ބޭއްވުމުގެ މައިގަނޑު ބޭނުމަކީ އަންހެނުންގެ ދުވަސް ފާހަގަކުރާއިރު މި ފަދަ ދުވަހެއްގައި އެއްބައިވަންތަކާއި އެކުވެރިކަމަށް އާލާކޮށް ހުރިހާ އަންހެން ބޭފުޅުން އެއްތަނަކުން ބައްދަލުކޮށްލުމެވެ.
ބައިނަލްއަގުވާމީ އަންހެނުންގެ ދުވަހަކީ މާޗް 8 އެވެ.
