ބ. އަތޮޅު ގުރުއާން މުބާރާތުގައި އޭދަފުށިން ބައިވެރިވާނެ 15 ދަރިވަރުން ހޮވައިފި އެވެ.
މި މުބާރާތަށް ހޮވިފައިވާ ދަރިވަރުންގެ ނަންތައް އިއުލާނު ކޮށްފައިވަނީ އޭދަފުށީ ކައުންސިލުން އިންތިޒާމުކޮށްގެން ބޭއްވިި ޤުރުއާން މުބާރާތުގެ ނަތީޖާ ފާޅުކުރުމަށް މިއަދު ހަވީރު ބޭއްވި ރަސްމިއްޔާތުގަ އެވެ.
އެ ރަސްމިއްޔާތުގައި އަތޮޅު މުބާރަތަށް ހޮވުނު ދަރިވަރުންނަށް ހަނދާނީލިޔުން ދެއްވީ އަތޮޅު ކައުންސިލުގެ ނައިބް ރައީސް މަބްރޫކް ނަސީރެވެ.
އެ ރަސްމިއްޔާތުގައި ފަނޑިޔާރުންގެ ބެޗުން ބުނިގޮތުގައި މުބާރާތް ކުރިއަށްދިޔައީ ވަރަށް ވާދަވެރިކޮށް ކަމަށާއި ޖުމްލަކޮށް ބަލާއިރު މި މުބާރާތުގައި ދަރިވަރުންގެ ކިޔެވުން ވަރަށް ރަނގަޅުކަން ފާހަގަކުރި އެވެ. އެގޮތުން މުބާރާތުގައި 52 ދަރިވަރުން ވާދަކޮށް ދެބައިކުޅަ އެއްބަޔަށްވުރެ ގިނަ އަދަދެއް ދަރިވަރުން 80 އަށްވުރެ މަތިން މާކުސް ހޯދާފައިވާކަމަށް ފަނޑިޔާރުން ބުންޏެވެ.
މިއަހަރުގެ އަތޮޮޅު ގުރުއާން މުބާރާތް ބޭއްވުމަށް ހަމަޖެހިފައިވާ ތާރީޚަކާއި ރަށެއް އަދި އަތޮޅު ކައުންސިލުން އިއުލާނެއް ނުކުރެ އެވެ. މި މުބާރާތް އާއްމުގޮތެއްގައި ބާއްވަނީ އޭޕްރިލްމަހު ފަހުކޮޅުއެވެ.
މުބާރާތަށް ހޮވުނު 15 ދަރިވަރުން؛
ޝަމާއިލް މުހައްމަދު ނަސީރު، ހިޔާ / ބ. ހިތާދޫ
ފާޠިމަތު ޔުމްނާ ޢާޠިފް، ސަބްދެލިގެ / ބ. އޭދަފުށި
ހުސައިން އައުޝަމް ސަޢީދު، ކަނދުމާގެ / ބ. އޭދަފުށި
ފާޠިމަތު ޔުމްނު ޔޫސުފް ޒިޔާދު، ޖީޒާ / ބ. އޭދަފުށި
އައިޝަތު ދިފްލާ، އިރުމަތީގެ، ބ/ އޭދަފުށި
ޝައުފާ ނަސީރު، މާއްޑޫގެ / ބ. އޭދަފުށި
ހިޝްމާ ޚާލިދު، ދޮންދުބުރިގެ / ބ. އޭދަފުށި
މަރިޔަމް ހުދާ، ފެހިވިނަ / ބ. އޭދަފުށި
އަޝްހާ އަލީ ވަހީދު، އަލިތަރި / ބ. އޭދަފުށި
އައިޝަތު ޝައިބާ، އަލިވާގެ / ބ. އޭދަފުށި
ނުޢުމާ މުހައްމަދު، ހަވީރު / ބ. އޭދަފުށި
މުހައްމަދު ނާއިޝް، ދަނބުގެ / ބ. އޭދަފުށި
ހައިޝަމް ޚާލިދު، ދޮންދުބުރިގެ / ބ. އޭދަފުށީ
އަބްދުﷲ ނާއިފް، ސޯސަންގެ / ޅ. ނައިފަރު
އައިޝަތު ޝަހާ ޝަމްއޫން، ޓިކާނާ / ބ. އޭދަފުށި