ބ. އޭދަފުށީގެ ހިއްކި ސަރަހައްދުގެ ބިންގަނޑު ހިމާޔަތްކުރުމަށްޓަކައި ޖަހާ ރިވެޓްމަންޓްގެ މަސައްކަތް އަންނަ މޭ މަހުގެ ނިޔަލަށް ނިންމާލެވޭނެ ކަމަށް މި މަސައްކަތް ކުރަމުންދާ ކެޕިޓަލް އިންވެސްޓްމެންޓް އެންޑް ފައިނޭންސް ޕްރައިވެޓް ލިމިޓެޑުން ބުނެ އެވެ.
ރިވެޓްމަންޓް ޖެހުމުގެ އަމަލީ މަސައްކަތް ފަށާފައިވަނީ މިއަހަރު ޖެނުއަރީ މަހުގެ ފަހުކޮޅު އެވެ.
އޭދަފުށީ ކައުންސިލުން ބުނީ ރިވެޓްމަންޓް ޖެހުމުގެ މަސައްކަތް ކުރިއަށްދަނީ ދެ ފިޔަވައްސަކަށް ބަހާލައިގެން ކަމަށާއި ދެ ވަނަ ފިޔަވަހީގެ މަސައްކަތް ވެސް ވަރަށް އަވަހަށް ފެށިގެންދާނެ ކަމަށެވެ. މުޅި ޕްރޮޖެކްޓް ނިމޭއިރު 2000 މީޓަރަށްވުރެ ބޮޑު ސަރަހައްދެއްގައި ރިވެޓްމަންޓް ޖަހާނެކަމަށް އޭދަފުށީ ކައުންސިލުން ބުނެ އެވެ.
