އެމެރިކާގެ ޓެނެސީ ސްޓޭޓްގެ އަންހެނަކު އޭނާގެ 21 ވަނަ އުފަން ދުވަސް 21 ހެޔޮ އަމަލު ކޮށްގެން ފާހަގަ ކޮށްފިއެވެ.
ބްރިސްޓަލް ހެރަލް ކޫރިއާ ނޫހުން ބުނީ އެލެކްސާ ސެކްސްޓަން އޭނާގެ އުފަން ދުވަސް މިދިޔަ މަހު 25 ވަނަ ދުވަހު ފާހަގަ ކުރީ ބްރިސްޓަލް ސަހަރުގައި ނުދަންނަ މީހުންނަށް 21 ހެޔޮ ކަންތައް ކޮށްދީގެން ކަމަށެވެ.
އެ ގޮތުން އެލެކްސާ އާއި އޭނާގެ ރަހްމަތްތެރިންތަކެއް ވަނީ ހޮސްޕިޓަލެއްގެ ވެއިޓިން ރޫމްގައި ތިބި ބަޔަކަށް ކާއެއްޗެހި ގެންގޮސްދީ، އަދި ސަހަރުގެ އަލިފާން ނިއްވާ ސިފައިންނަށް ހެދުނުގެ ނާސްތާ ދީފަ (ފޮޓޯގައި) އެވެ.
އެލެކްސާ ބުނީ އޭނާ މިހާތަނަށް އުޅުނީ ވަރަށް ބޮޑާ ކިބުރުވެރި ދިރިއުޅުމެއް ކަމަށާއި ނަމަވެސް މިހާރު ރޫހާނީ ހަޔާތެއް އިހުތިޔާރު ކޮށްފައިވާ ކަމަށެވެ. މިހެންވެ އޭނާ މިހާރު ބޭނުން ވަނީ އެހެން މީހުންނަށް ހެޔޮ ކަންތައް ކޮށްދޭން ކަމަށް އެލެކްސާ ބުންޏެވެ.
އޭނާ ބުނީ އުފަން ދުވަސް ފާހަގަ ކުރުމަށް އޭނާ މި ހިޔާރު ކުރި އާ ގޮތް ދަމަހައްޓާނެ ކަމަށާއި، މި ފަދަ މަގަކުން އޭނާގެ އުމުރުން 12 އަހަރުގެ އަންހެން ކޮއްކޮ އެބީ ވެސް ހިނގާނެ ކަމަށް އުއްމީދު ކުރާ ކަމަށެވެ.
މީ ދެން ހަބަރުގަ ލިޔާ ވަރު ކަމެއް ތަަަ!!!!! ހެހެހެހެހެ…… ހިނި އަންނަނީ