ބ. އޭދަފުށީ ޕޮލިސް ސްޓޭޝަނުން އިސްނަގައިގެން މޯލްޑިވްސް ޕޮލިސްގެ ޕަބްލިކް އެފެއާޒް ޑިޕާޓްމަންޓްގެ އެހީތެރިކަމާއެކު ބ. ގޮއިދޫގައި ސްޕޯޓްސް ޑިޕްލޮމެސީ ޕްރޮގްރާމްގެ ދަށުން ވޮލީ ކޯޗިންގ ކޭމްޕެއް ބާއްވައިފި އެވެ.
ގޮއިދޫގައި ހިންގި މި ކޭމްޕުގައި ޖުމްލަ 52 ބައިވެރިއަކު ބައިވެރިވެފައިވާއިރު މި ބައިވެރިންގެ ތެރޭގައި ހިމެނެނީ 29 އަންހެން ބައިވެރިންނާއި 23 ފިރިހެން ބައިވެރިންނެވެ.
އޭޕްރިލް 25ން މެއި 06 ވަނަ ދުވަހުގެ ނިޔަލަށް ހިންގި މި ކޭމްޕުގައި ވޮލީގެ ގަވާއިދުތަކާއި ވޮލީގެ ހުނަރުތައް ދަސްކޮށްދިނުމުގެ ކުޅިވަރުގެ އަހުލާޤު ބައިވެރިންނަށް އުނގަންނައިދީފައިވާނެ ކަމަށް ފުލުހުން ބުންޏެވެ.
މި ކޭމްޕް ކުރިޔަށް ދިޔަ ދުވަސްތަކުގައި ގޮއިދޫ ސްކޫލްގެ ފަރާތުންނާއި ގޮއިދޫ ކައުންސިލާއި ރައްޔިތުންގެ ފަރާތުން ވަރަށް ބޮޑު އެހީތެރިކަމެއް ފުލުހުންނަށް ލިބިފައި ކަމަށްވެސް ފުލުހުން ބުންޏެވެ.
