ނ، ރ، ބ އަދި ޅ. އަތޮޅު ހިމެނޭ ނޯތު ޕޮލިސް ޑިވިސަންގައި މަސައްކަތްކުރާ 14 ފުލުހަކަށް މަގާމުގެ ކުރިއެރުން ދީފި އެވެ.
އޭދަފުށީ މަލްޓީޕާޕަސް ހޯލުގައި މިއަދު ހެނދުނު ބޭއްވި ހަފުލާއެއްގައި މަގާމުގެ ކުރިއެރުން ދިން ފުލުހުންނަށް ސެޓްފިކެޓް ހަވާލުކޮށްދެއްވީ ހެޑް އޮފް ނޯތް ރީޖަން، އިންސްޕެކްޓަރު އޮފް ޕޮލިސް އަބްދުﷲ ނަސީރު އެވެ.
މަގާމުގެ ކުރިއެރުން މިއަދު ދިން ފުލުހުންގެ ތެރޭގައި ހިމެނެނީ ޕޮލިސް ކޯޕްރަލްގެ މަގާމުން ޕޮލިސް ސާޖެންޓްގެ މަގާމަށް ބަދަލުވި ފުލުހުންނާއި ޕޮލިސް ކޮންސްޓަބަލްގެ މަގާމުން ޕޮލިސް ލާންސް ކޯޕްރަލްގެ މަގާމަށް ބަދަލުވި ފުލުހުންނެވެ. މީގެ ތެރެއިން އޭދަފުށީ ޕޮލިސް ސްޓޭޝަންގައި މަސައްކަތް ކުރާ ދެ ފުލުހަކަށް ވަނީ މަގާމުގެ ކުރިއެރުން ލިބިފަ އެވެ.
ޝަރުތު ހަމަވާ އަދި އަހުލާގީ މައްސަލައެއް ނޫޅޭ ކޮންމެ ފުލުހަކަށް ވެސް ކޮންމެ އަހަރަކު ވެސް މަގާމުގެ ކުރިއެރުން ލިބެއެވެ.
ޕްރޮމޯޝަނާއި ފްލެޓާއި ލިބެންވީ އެއް ބަޔަކަށްތަ..ކޮބާ އެހެން މުއައްސަސާތަކުގައި މަސައްކަތް ކުރާމީހުން..އެމީހުން އޮފީހުގައި ނިދަނީ ދޯ..
މަރުހަބާ ސަލާމް ، މަރުހަބާ ހުޒެން ………. (: