އިނިގިރޭސިވިލާތުގެ ޔުނިވާސިޓީ އޮފް ދަ ވެސްޓް އޮފް އިންގްލޭންޑުގެ ޑިގްރީ ކޯސްތަކެއް ވިލާ ކޮލެޖުގައި ތައާރަފްކޮށް، ސެޕްޓެމްބަރުގައި އެ ކޮލެޖުގައި ފަށާ ހުރިހާ ކޯސްތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.
ވިލާ ކޮލެޖުގައި ބޭއްވި ރަސްމިއްޔާތެއްގައި މި ކޯސްތައް ތައާރަފްކޮށްދެއްވީ އެ ކޮލެޖުގެ ރެކްޓަރު ޑރ. އަހުމަދު އަންވަރެވެ.
ވިލާ ކޮލެޖުގައި އަލަށް ތައާރަފުކުރި އޮނާސް ޑިގްރީ ކޯސްތައް
1- ބިޒްނަސް އެންޑް ހިއުމަން ރިސޯސް މެނޭޖްމަންޓް
2- ބިޒްނަސް މެނޭޖްމަންޓް ވިތު މާކެޓިން
3- އެކައުންޓިން އެންޑް ފައިނޭންސް
4- ބިޒްނަސް އެންޑް މެނޭޖްމަންޓް
މިއީ ތިން އަހަރު ދުވަހުގެ ކޯސްތަކެއް ކަމަށް ވިލާ ކޮލެޖުން ބުންޏެވެ.
އަލަށް ތައާރަފްކުރި ކޯސްތަކާ އެކު ސެޕްޓެމްބަރުގައި ފަށާ 52 ކޯހަށް ކުރިމަތިލުމުގެ ފުރުސަތު އަންނަ ޖުލައި 30 ވަނަ ދުވަހާ ހަމައަށް މިހާރު ވަނީ ހުޅުވާލައިފަ އެވެ. އޭގެ ތެރޭގައި ވިލާ އިން އަމިއްލައަށް ފަރުމާކޮށްގެން ކުރިއަށްގެންދާ ކޯސްތައް ވެސް ހިމެނެ އެވެ.
