ސީސީ ފުޓްސަލް ފިއެސްޓާ އިއްޔެ ހަވީރު އޭދަފުށީގައި ފަށައިފި އެވެ.
ޖުމްލަ 10 ޓީމާ އެކު އިއްޔެ ހަވީރު ފެށި މުބާރާތުގައި ރޭގެ ނިޔަލަށް ވަނީ 4 މެޗް ކުޅެފަ އވެ.
މުބާރާތް ހުޅުވި މެޗްގައި ބައްދަލު ކުރީ އަލްޓްރާ އާއި އެފްސީ ޝީޝާ އެވެ.
މި މެޗް 3-6 އިން ކާމިޔާބުކުރީ އަލްޓްރާ އެވެ. މެޗްގެ މޮޅު ކުޅުންތެރިއަކަށް ހޮވުނީ އެ ޓީމްގެ އާފިއު މުހައްމަދު ހާމިދު އެވެ.
ރޭ ކުޅުނު ފުރަތަމަ މެޗުގައި ބައްދަލު ކުރީ އިރުމަތި ލަވާސް އާއި ފްރެންޑްސް އެވެ. މި މެޗު 7-7 އިން ވަނީ އެއްވަރުވެފަ އެވެ. މި މެޗްގެ މޮޅު ކުޅުންތެރިޔަކީ ފްރެންޑްސްގެ އަހްމަދު އަޝްރަފް ޔޫސުފް އެވެ.
ދެވަނަ މެޗުގައި އޭދަފުށީ ޕޮލިސް ވަނީ އެފްސީ ޑޮލަރސް އަތުން 3-5 އިން މޮޅުވެފައެވެ. އެ މެޗުގެ މޮޅު ކުޅުންތެރިއަކަށް ހޮވުނީ ޕޮލިސްގެ އިބްރާހިމް މުހައްމަދު އެވެ. ރޭ ކުޅުނު ފަހު މެޗު ވެލާ ސްޕޯޓްސް ކާމިޔާބުކުރީ ސަންސެޓް ބީޗް ސްޕޯޓަސްއާ ވާދަކޮށް 8-1 އިންނެވެ. މެޗުގެ މޮޅު ކުޅުންތެރިއަކަށް ހޮވުނީ ވެލާ ސްޕޯޓްސްގެ އަލީ ޒުބައިރު އެވެ.
އޭދަފުށީ ފުޓްސަލް ދަނޑުގައި ކުރިއަށްދާ މި މުބާރާތުގައި މިއަދު ހަވީރު މެޗަކާއި މިރޭ ވެސް 3 މެޗު ކުޅެން ވަނީ ހަމަޖައްސައިފަ އެވެ.
މުބާރާތުގެ ޗެމްޕިއަން ޓީމަށް 8،000ރ. ހުށަހަޅާފައިވާ އިރު ރަނައަޕް ޓީމަށް 3،000ރ. ހުށަހަޅާފައިވެ އެވެ.
މުބާރާތުގެ ފައިނަލު މެޗު ކުޅުމަށް ޝެޑިއުލުކޮށްފައިވަނީ އަންނަ ބުދަ ދުވަހުގެ ރެ އަށެވެ.