އަންނަ ބޮޑު އީދު ބަންދުގައި “އެމްޕީ ސަލީމް ބައިބަލާ 2015” ގެ ނަމުގައި އޭދަފުށީގައި ބައިބަލާ މުބާރާތެއް ބާއްވަން ތައްޔާރުވެއްޖެ އެވެ.
މުބާރާތުން އިންތިޒާމުކުރާ ޓިމުގައި ހިމެނޭ ޒަޔާން އަބްދުﷲ ބުނީ މި މުބާރާތުގައި ބ. އަތޮޅުގެ ކޮންމެ ރަށަކަށްވެސް ޓީމުތައް ނެރެވޭނެ ކަމަށެވެ. މުބާރާތް ހުޅުވާލާފައިވަނީ 16 އަހަރުން މައްޗަށެވެ.
މުބާރާތުގައި ބައިވެރިވުމަށްއެދޭ ފޯމް ދޫކުރާނީ އަންނަ ހޯމަދުވަހުން ފެށިގެންނެވެ. މުބާރާތުގައި ބައިވެރިވުމަށްއެދޭ ފޯމް މި މުބާރާތާގުޅޭ ފޭސްބުކް ޕޭޖުން ޑައުންލޯޑް ކުރެވޭނެ އެވެ އަދި އޭދަފުށިން 7951898އާ ގުޅުމުން ފޯމް ލިބޭނެ ކަމަށްވެސް މުބާރާތް އިންތިޒާމު ކުރާ ފަރާތުން މައުލޫމާތު ދެ އެވެ.
މި މުބާރާތުން ވަނަތައް ހޯދާ ޓީމުތަކަށާއި ކުޅުންތެރިނަން ފައިސާގެ އިނާމު ވަނީ ހުށަހަޅައިފަ އެވެ. ނަމަވެސް އޭގެ ތަފްސީލެއް އަދި އާއްެމެއް ނުކުރެ އެވެ.
“އެމްޕީ ސަލީމް ބައިބަލާ 2015” ގެ ނަމުގައި ބައިބަލާ މުބާރާތެއް ބާއްވާން ތައްޔާރުވަމުންދާއިރު މި ހަފްތާ އޭދަފުށީގައި ވަނީ އެމްޕީ ސަލީމްގެ ނަމުގައި ބަށި މުބާރާތެއްވެސް ބާއްވައިފަ އެވެ.